كونسەرت، ويىن-ساۋىق: استانا تۇرعىندارىن 28-جەلتوقسان كۇنى نە كۇتىپ تۇر
استانا. KAZINFORM - ەلوردا اكىمدىگى جاڭا جىلدىق كوڭىل- كۇيگە بولەنىپ، قىسقى دەمالىستى قاي جەردە كوڭىلدى وتكىزۋگە بولاتىنى تۋرالى حابارلادى.
ەلوردانىڭ ءار جەرىندە سىرعاناقتار، مۇز ايدىندارى، بەزەندىرىلگەن شىرشالار، جاڭا جىلدىق جارمەڭكەلەر، شاعىن ارحيتەكتۋرالىق فورمالار، كونسەرتتىك باعدارلامالار، فوتوايماقتار جانە ت. ب. تۇرعىنداردىڭ قۋانىشىنا اينالادى.
28 - جەلتوقساندا استانانىڭ بەس نەگىزگى ورنىندا قازاق ەستراداسىنىڭ جۇلدىزدارى مەن شىعارماشىلىق توپتارىنىڭ قاتىسۋىمەن مەرەكەلىك باعدارلامالار، جاڭا جىلدىق سىيلىقتارى بار ينتەراكتيۆتى جانە سپورتتىق ويىندار، بالالارعا ارنالعان باعدارلاما، سپورت مەكتەپتەرى وقۋشىلارىنىڭ قويىلىمدارى جانە تاعى باسقالار وتەدى.
وسىلايشا، نۇرا اۋدانىنداعى «استانا ارەنا» ستاديونىنىڭ اۆتوتۇراعىندا مەرەكەلىك كوڭىلدى كەش 12.00 دە باستالىپ، 21.00 گە دەيىن جالعاسادى. جۇرتشىلىق ارقان تارتىس، قاپپەن جۇگىرۋ، كونكي تەبۋ، مانەرلەپ سىرعاناۋدان ماستەر كلاسس، جۇلدەلى ەستافەتالار جانە كونسەرتتىك باعدارلامامەن بىرگە كوڭىلدى ستارتتاردى تاماشالاي الادى.
ەسىل اۋدانىنىڭ ەكسپو اۋماعىندا ساعات 16.00 دەن 18.00 گە دەيىن مەرەكەلىك باعدارلاما ءوتىپ، كورەرمەندەرگە شايبالى حوككەيدەن شەبەرلىك سىنىبى، جۇلدەلى سپورتتىق ەستافەتالار مەن كونتسەرتتىك باعدارلاما ۇسىنىلادى.
سارايشىق اۋدانىنداعى «قازاق ەلى» مونۋمەنتى جانىنداعى الاڭدا مەرەكەلىك كوڭىلدى كەش ساعات 14.00 دە باستالادى. ءىس- شارا قوناقتارى كوڭىلدى ستارتتارعا قاتىسىپ، جۇلدەلەر ۇتىپ الا الادى، ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن كونسەرتتىك باعدارلاما ساعات 18.00 دەن 20.00 گە دەيىن وتەدى.
سارىارقا اۋدانىنداعى قالالىق الاڭدا (ەلوردا اكىمدىگىنىڭ الدىندا) جاڭا جىلدىق باعدارلاما ساعات 12.00 دەن 14.00 گە دەيىن وتەدى. قالا قوناقتارى مەن تۇرعىندارى ءۇشىن شايبالى حوككەيدەن شەبەرلىك سىنىبى مەن كونسەرتتىك باعدارلاما ۇيىمداستىرىلادى.
الماتى اۋدانىنىڭ تاۋەلسىزدىك داڭعىلى بويىنداعى وقۋشىلار سارايىنىڭ اۋماعىندا ساعات 12.00-13.00 ارالىعىندا بالالار شىعارماشىلىق ۇجىمدارىنىڭ قاتىسۋىمەن كونسەرتتىك باعدارلاما وتەدى.
ەستەرىڭىزگە سالا كەتەيىك، اتالمىش ورىنداردا جاڭا جىلدىق جارمەڭكەلەر، سىرعاناقتار، مۇز ايدىنى جانە ت. ب. جۇمىس ىستەيدى.
