كونكيمەن جۇگىرۋدەن قازاقستان قۇراماسى ا ق ش- تا كۇمىس جۇلدە الدى

Фото: Спортты дамыту дирекциясы
Фото: Спортты дамыту дирекциясы

استانا. KAZINFORM - بۇگىن ا ق ش- تىڭ يۋتا شتاتىندا (سولت-لەيك-سيتي) كونكيمەن جۇگىرۋدەن ءوتىپ جاتقان 4 قۇرلىق چەمپيوناتىندا قازاقستان ەرلەر قۇراماسى كۇمىس جۇلدەگە يە بولدى.

 

 

ق ر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ باسپا ءسوز قىزمەتى ءمالىم ەتكەندەي، كوماندالىق سپرينتتە ەلىمىزدىڭ ەرلەر قۇراماسى كۇمىس جۇلدەگەر اتاندى.

التاي جاردەمبەك ۇلى، ەۆگەني كوشكين، نيكيتا ۆاجەنين مەن ارتۋر گاليەۆ (رەزەرۆتە) كۆارتەتى تەك چەمپيون اتانعان كانادا قۇراماسىنان 3,17 سەكۋند قالىپ، ەكىنشى ورىنعا تابان تىرەدى. ال ۇزدىك ۇشتىكتى وڭتۇستىك كورەيا كونكيشىلەرى قانجىعالارىنا بايلادى.

ايتا كەتەيىك، بيىل اتالعان دوداعا 8 مەملەكەتتەن كەلگەن 80 گە جۋىق سپورتشى سىنعا ءتۇسىپ جاتىر.

ەرتەڭ شەشۋشى جارىس كۇنى ەرلەر مەن ايەلدەر اراسىندا ءىز كەسۋ، جەكەلەي سىنداعى 100 مەتر مەن ماسس-ستارت جارىسى وتەدى.

جالپى 4 قۇرلىق چەمپيوناتى دەگەن ەۋروپادان باسقا قۇرلىقتاعى مەملەكەتتىڭ سپورتشىلارى سىنعا تۇسەتىن جىل سايىنعى جارىس.

اۆتوركۇنسۇلتان وتارباي

سوڭعى جاڭالىقتار