كولىكتىڭ ەسكەرتۋ شامدارىن جاعىپ، ەكىنشى قاتارعا توقتاۋعا بولا ما؟
استانا. قازاقپارات - ەكىنشى قاتارعا ەسكەرتۋ شامدارىن جاعىپ توقتاعان جۇرگىزۋشىلەرگە قانداي جازا قاراستىرىلعان؟ الماتى پوليتسيا دەپارتامەنتى وكىلدەرى ايتىپ بەردى، - دەپ حابارلايدى Tengri Auto.
الماتى پ د مالىمەتىنشە، جول قوزعالىسى ەرەجەسىنە سايكەس، كولىك قۇرالىن جولدىڭ ءجۇرىس بولىگىنە جولدىڭ ءجۇرىس بولىگىنىڭ شەتىنە پاراللەل ءبىر قاتارعا قويۋعا رۇقسات ەتىلەدى، ونىڭ كونفيگۋراتسياسى (جولدىڭ ءجۇرىس بولىگىن كەڭەيتۋ) كولىك قۇرالدارىنىڭ باسقاشا ورنالاسۋىنا مۇمكىندىك بەرەتىن ورىنداردى قوسپاعاندا. تەك ەكى دوڭعالاقتى كولىكتەردى بۇيىرلىك تىركەمەسىز ەكىنشى قاتارعا قويۋعا رۇقسات ەتىلەدى.
«توقتاۋعا تىيىم سالىنعان جەرلەردە ءماجبۇرلى تۇردە توقتاعان كەزدە جۇرگىزۋشى كولىك قۇرالىن وسى ورىنداردان شىعارۋ ءۇشىن بارلىق قاجەتتى شارالاردى قابىلدايدى. باسقا كولىك قۇرالدارىنىڭ جۇرۋىنە كەدەرگى جاساۋعا اكەپ سوقتىرعان كولىك قۇرالدارىن جول ءجۇرۋ بولىگىندە توقتاتۋ نەمەسە تۇراققا قويۋ قاعيدالارىن بۇزعانى ءۇشىن ق ر ا ق ب ك-نىڭ 597-بابى بويىنشا اكىمشىلىك جاۋاپكەرشىلىك كوزدەلگەن جانە 10 ا ە ك مولشەرىندە ايىپپۇل تۇرىندەگى جازا كوزدەلگەن»، - دەپ حابارلادى الماتى پوليتسياسىنىڭ باسپا ءسوز قىزمەتى.
ەسكە سالايىق، 2024 -جىلى 1 ا ە ك 3692 تەڭگەگە تەڭ. وسىلايشا، قۇقىق بۇزۋشىلارعا 36920 تەڭگە كولەمىندە ايىپپۇل تولەۋگە تۋرا كەلەدى.
جىل باسىنان بەرى قالادا اۆتوتۇراق ەرەجەسىن بۇزعان 15582 جۇرگىزۋشى اكىمشىلىك جاۋاپكەرشىلىككە تارتىلعانى اتاپ ءوتىلدى.
