كولىكتىڭ قايتا بويالعانىن قالاي انىقتاۋعا بولادى؟

 قازاقستانداعى جول اپاتىنىڭ كوپتىگىنە قاراپ كەز كەلگەن كولىكتى بويالعان دەپ ايتۋعا بولادى. ءبىراق كولىگىن ساتقان ادامنىڭ ءتىلى «نە بيتىي، نە كراشەنىي برات» دەپ سايراپ تۇراتىنى راس. تەمىر تۇلپاردىڭ قاڭقاسى بويالعانىن ارنايى قۇرىلعىلارسىز قالاي انىقتاۋعا بولادى؟    

автокөлік
Фото: pixabay

الىپساتارلىقپەن اينالىساتىندار كولىكتىڭ بويالعانىن كوزبەن انىقتاي الادى. ولار ەسىك پەن ەسىك قاڭقاسى اراسىنداعى ساڭىلاۋ، كولىك تۇسىندەگى ءارتۇرلى رەڭكتەرگە ەرەكشە نازار اۋدارادى. ءبىراق مۇنىڭ ءوزى العاش كولىك العان ادامعا قىمبات قۇرىلعىلارسىز قيىندىق تۋدىرادى.

  1. اۆتوكولىكتىڭ قايتا بويالعاندىعى دەنەنىڭ بولشەكتەرىندەگى رەڭكتەردەگى ايىرماشىلىقتان كورىنەدى. مۇنى كولىكتەن شامامەن 10 م قاشىقتىقتا، جاقسى تۇسەتىن بۇيىرلىك جارىقتا قاراۋعا بولادى. ءدال كوز جەتكىزۋ ءۇشىن دەنە بولىكتەرىن، ماسەلەن الدىڭعى ەسىك پەن الدىڭ بۇيىرلىك بولىگىن بىرنەشە قىرىنان كورۋ كەرەك. كۇدىكتى ەلەمەنتەرگە نازار اۋدارۋ ارقىلى تۇستەردىڭ سايكەسسىزدىگىن انىقتاۋ ماڭىزدى. ال ءبىزدىڭ ەلدە 100 پايىز سايكەس كەلەتىن تۇسكە بويايتىن شەبەرلەر از. ويتكەنى ءسىز بىلەتىن اق ءتۇستىڭ ونداعان ءتۇرى بولۋى ىقتيمال.
  2. بويالعان ماشيناعا تاعى ءبىر ءتان بەلگى - بويالعان اۋماقتا كىر مەن شاڭنىڭ بولۋى. ويتكەنى قوقىس، شاڭ جانە كىر كەز كەلگەن بولمەدە بار. كولىك كەۋىپ بولعانشا ولار قۇتتى ورنىنا جايعاسىپ ۇلگەرەدى. ءتىپتى ارنايى كامەرادا بويالعاننىڭ وزىندە قاڭقاداعى داقتاردى كەزدەستىرۋگە بولادى. الايدا بۇل ءادىس ۇنەمى جۇمىس ىستەمەيدى. الىپساتارلاردان ايلا ارتىلعان با؟ ولار ماشينانىڭ قاڭقاسىن تەگىستەتىپ، جىلتىراتىپ داقتاردىڭ كوزىن جويادى. ال بۇل دەگەنىمىز ءارى قاراي تەكسەرۋ كەزىندە وتە مۇقيات بولۋ كەرەك دەگەن ءسوز.
  3. بويالعان كولىكتەردەردىڭ قاڭقاسىندا بوياۋدى شاشىراتقاننان كەيىن ءتۇرلى كوپىرشىكتەر پايدا بولادى. ءتىپتى جاڭا عانا بويالعان كولىكتەردە دە كوپىرشىك ىسپەتتى داقتار بار. بۇل بوياۋ كەزىندەگى قاتەلىكتەردەن تۋىندايدى. ويتكەنى سەرۆيستىك شەبەرحانالاردىڭ وزىندە زاۋىتتىق بوياۋمەن بىردەي بوياۋدى ساتىپ الۋ مۇمكىندىگى جوق. زاۋىتتاردا بارلىعىنى روبوتتار ىستەيدى، ال ادام بوياعان جەردە قاتەلىكتەرگە بوي الدىرۋى بەك مۇمكىن. سوندىقتان بوياۋدان كەيىن مىندەتتى تۇردە جىلتىراتۋ قولدانىلادى. الايدا بۇل ارەكەتتەن كەيىن زاۋىتتىق جابىنمەن سالىستىرعاندا بوياۋ تىم تەگىس بولادى.

سوعىلعان كولىكتى تانۋ ءۇشىن "تولشينومەر" كومەكتەسەدى. الايدا ول تەك پلاستيكالىق جانە اليۋميني بولشەكتەرىندەگى قالىڭدىقتى انىقتاي الادى. ال بويالعان كولىكتى ءبىلۋ ءۇشىن قىراعى كوز بەن تاجىريبە قاجەت.

اقپارات دەرەككوزى: ماسساگەت

سوڭعى جاڭالىقتار