كولىكتىڭ «حادوۆكاسىن» قاي كەزدە اۋىستىرۋ كەرەك؟

хадовка
Фото: pixabay

 كەز كەلگەن كولىكتىڭ ماڭىزدى ايماقتارىنىڭ ءبىرى - ءجۇرىس بولىگى. ءتىپتى كولىگىڭىز ءبىر قالىپتا تۇرعاننىڭ وزىندە ءجۇرىس بولىگىنە تۇسەر اۋىرتپالىق كوپ. 

ال ونىڭ ىستەن شىعۋىنا ساپاسىز جولدار مەن قولايسىز اۋا-رايى سەبەپ بولۋى مۇمكىن. كولىكتىڭ ءجۇرىس بولىگىن قاي ۋاقىتتا اۋىستىرۋ كەرەك؟

ءجۇرىس بولىگىندەگى اقاۋدى قالاي انىقتايمىز؟

كولىگىڭىزدىڭ ءجۇرىس بولىگىندەگى اقاۋدى اڭعارۋ قيىن ەمەس. ءجۇرىپ كەلە جاتقاندا كولىك سولعا نەمەسە وڭعا تارتسا، بوگدە شۋدى نەمەسە قاتتى دىبىستى ەستىسەڭىز، شينالار تەز ءارى بىركەلكى ەمەس توزا باستاسا اۆتوكولىكتىڭ ءجۇرىس بولىگىندە اقاۋ بار دەگەن ءسوز. مۇنداي جاعدايدا ءجۇرىس بولىگىنىڭ قاي كومپونەنتتەرى وسال ەكەنىن جانە باسقالارىنا قاراعاندا ءجيى اۋىستىرۋدى قاجەت ەتەتىنىن ءبىلۋ ماڭىزدى.

كولدەنەڭ تۇراقتاندىرعىشتار

بۇل كومپونەنت قاۋىپتى بۇرىلىستاردا بۇرامدى ازايتۋ. تىك ءجۇرۋ ستيلىندە بۇل قۇرامداس بولىك ماڭىزدى بولىپ كورىنبەيدى. ءبىراق تەز توزادى. سوندىقتان تۇراقتاندىرعىشتاردى تۇراقتى تۇردە اۋىستىرىپ تۇرعان ءجون. ولار مۇمكىندىگىنشە جەڭىل بولعانىمەن، رەزەڭكەسى جەلىنىپ وسالدانا تۇسەدى. سونداي-اق تەگىس ەمەس جولدا ماشينا قاتتى سەكىرە باستايدى. اۆتوكولىك يەلەرى مۇنداي جاعدايدا كولىكتىڭ سالونىنداعى جاعىمسىز دىبىسقا شاعىمدانادى. الايدا مۇنىڭ بارلىعى تۇراقتاندىرعىشتاردىڭ توزۋىمەن تىكەلەي بايلانىستى.

امورتيزاتورلاردى اۋىستىرۋ

جولدىڭ ويقىش-ايقۇش جەرلەرىمەن وتكەن كەزدە اۆتوموبيل كورپۋسىنىڭ بارلىق تەربەلىستەرىن رەتتەۋگە جاۋاپ بەرەدى. امورتيزاتور قۇرىلىمىنىڭ ىشىندەگى ارنايى سۇيىقتىق تەربەلىس ەنەرگياسىن باياۋلاتۋعا مۇمكىندىك بەرەدى. الايدا تىم كوپ جۇكتەمە سۇيىقتىقتىڭ قىزىپ كەتۋىنە، ءجۇرىس بولىگىنىڭ قيسايۋىنا اكەلىپ سوقتىرۋى ابدەن مۇمكىن. اقىر سوڭىندا امورتيزاتورداعى ماي ءوزىنىڭ تەربەلىسىن جوعالتىپ، ىستەن شىعۋىنا الىپ كەلەدى. سونداي-اق امورتيزاتور كورپۋسىنا جابىسقان بالشىقتان تازالاپ وتىرعان ابزال. ويتكەنى بۇل مايدىڭ اعىپ كەتۋىنە سەپ بولادى.

ءۇنسىز بلوكتار (سايلەنت-بلوكي)

بلوكتارداعى باستى توزاتىن نارسە رەزەڭكەلەر بولىپ تابىلادى. كولىك ءجۇرىسىنىڭ كوپتىگىنەن رەزەڭكەلەر ءوزىنىڭ باستاپقى فورماسىن جوعالتىپ، تەمىردىڭ ءوزى قالادى. بۇل جاعدايعا جولداعى بالشىق، جول ساپاسىنىڭ ناشارلىعى اسەر ەتەدى. جىلىنا ءبىر مارتە ءۇنسىز بلوكتى تولىعىمەن اۋىستىرعان ارتىقتىق ەتپەيدى.

گراناتالار

گراناتالار كولىكتىڭ بۇرىلۋىنا تىكەلەي اسەر ەتەدى. ونىڭ ىستەن شىعۋىن ءرولدى وڭعا نەمەسە سولعا بۇرۋ ارقىلى «قىتىرلاۋىنان» بىلۋگە بولادى. گراناتالاردىڭ بۇزىلۋى سىرتىن قاپتاپ تۇراتىن رەزەڭكەلەردىڭ جىرتىلىپ كەتۋىنەن بولادى. ولاردىڭ ىشىنە ارنايى ماي قۇيىلعانىمەن ىلعالعا قارسى شىداس بەرمەيدى.

سەرىپپەلەر

بۇل كومپونەنت تە توزۋعا بەيىم. كوبىنەسە ونىڭ توزۋى جۇيەنىڭ باسقا ەلەمەنتتەرىنە، ياعني ءۇنسىز بلوكتار مەن امورتيزاتورلارعا تەرىس اسەر ەتەدى. سەرىپپەلەر وتە بەرىك بولىپ كەلەدى. ولاردىڭ سىنۋىنا مەتالدىڭ كورروزياسى نەمەسە شامادان تىس جۇكتەمە بولىپ تابىلادى.

سوڭعى جاڭالىقتار