كولىكتە تەرەزەنى اشىپ قويۋدىڭ 6 قاۋپى اتالدى

كولىكتىڭ كونديتسيونەرى بولسا، تەرەزەنى اشپاعان ءجون. «زا رۋلەم» جۋرنالى سەبەبىن ءتۇسىندىردى. "كولىكتىڭ كونديتسيونەرى بولا تۇرا، جۇرگەندە تەرەنى اشىپ قوياتىن بولساق، بىردەن ۋلى اۋامەن دەم الامىز. ءار تىنىس الۋ كەزىندە وكپە پايدالانىلعان گازدار، رەزەڭكە بولشەكتەرى، تەجەگىش جاستىقشالار مەن جول توسەمدەرىنىڭ قوسپاسىمەن تولادى. مۇنداي جاعدايدا سالون سۇزگىسى جۇمىسىنىڭ پايداسى جوق»، - دەپ جازعان باسىلىم.

سونداي-اق، كولىكتىڭ تەرەزەسى اشىق تۇرسا، سالونعا جاندىك كىرىپ، جۇرگىزۋشىگە كەدەرگى كەلتىرۋى مۇمكىن.

جۇرگىزۋشى كولىكتەن شىعۋى ءۇشىن تەرەزەدەن سالونعا قاساقانا قوقىس تاستايتىن الاياقتاردىڭ قۇربانى بولۋى ىقتيمال. كولىك يەسى سىرتقا شىققاندا سالونداعى باعالى دۇنيەسىنەن نەمەسە تەمىر تۇلپارىنان ايرىلىپ قالۋى دا مۇمكىن.

سونىمەن قاتار، كولىكتە تەرەزەنى اشقان كەزدەگى جەلدىڭ دىبىسى قۇلاقتىڭ قىسىمىنا اكەپ سوقتىرۋى مۇمكىن. وعان قوسا، شۋ جۇرگىزۋشى مەن جولاۋشىلاردى شارشاتىپ، ميىن اشىتادى.

بۇدان بولەك، ەگەر كولىكتىڭ تەرەزەسى جابىق بولسا، اپات كەزىندە سىنىقتاردان زارداپ شەگۋ قاۋپى الدەقايدا تومەن بولادى.

كولىكتە تەرەزە اشىق بولسا، جولعا شىققان كەزدە وتىن شىعىنى ارتادى.