كولىك پوليسەيلەرى جوعالىپ كەتكەن 13 جاستاعى قىتاي ازاماتىن ىزدەپ تاپتى

استانا. KAZINFORM – ءى ءى م كولىك پوليتسەيلەرىنىڭ جوعالىپ كەتكەن 13 جاستاعى تۋريست قىزدى ىزدەپ تاپقانىن مالىمدەدى.

الماتى اۋەجايىنىڭ جەلىلىك پوليتسيا ءبولىمى قىزمەتكەرلەرى قىز بالانىڭ جوعالىپ كەتكەنى تۋرالى حابارلامانى الا سالىسىمەن دەرەۋ شارالار قابىلداپ، جاس ءوسپىرىمدى ىزدەۋگە كىرىستى.

ايتا كەتەيىك، شەتەلدىك ءجاسوسپىرىم قازاقستانعا اناسىمەن بىرگە كەلگەن. الايدا ول جانجال سالدارىنان قۇجاتتارىن الىپ، بەلگىسىز باعىتقا كەتىپ قالعان.

«كولىك پوليتسەيلەرىنىڭ قىراعىلىعى مەن جەدەل ارەكەتتەرىنىڭ ارقاسىندا كەشكى ساعات 20:00 شاماسىندا اۋەجايدى پاترۋلدەۋ كەزىندە 13 جاستاعى ق ح ر ازاماتى ميا يۋ تين امان- ەسەن تابىلىپ، اناسىنا تاپسىرىلدى»، - دەپ جازدى قۇزىرلى ورگاننان.