16:45, 29 - قىركۇيەك 2023 | GMT +5
كولىك سالىعىن 328 مىڭنان استام قازاقستاندىق تولەمەي ءجۇر
ەلىمىزدە 328 مىڭنان استام ادام كولىك سالىعىن تولەمەي ءجۇر، دەپ حابارلايدى قازاقپارات ءتىلشىسى.

«2023-جىلدىڭ 7- قىركۇيەگىندەگى جاعدايعا سايكەس، كولىك قۇرالدارىنا سالىناتىن سالىق بويىنشا سالىق بەرەشەگى بار جەكە تۇلعالاردىڭ جالپى سانى 328611 ادامدى قۇرايدى. كولىك قۇرالىنا سالىناتىن ەڭ جوعارى تولەم قوزعالتقىش كولەمىنەن بەس ليتردەن جوعارى. وعان سالىق مولشەرلەمەسى 200 ايلىق ەسەپتىك كورسەتكىشتەن اسادى.
سالىق تولەمىنىڭ ەڭ جوعارى سوماسى 2022-جىلى الماتى قالاسىندا 625200 تەڭگەنى قۇرادى»، - دەپ اتاپ وتەدى مەملەكەتتىك كىرىستەر كوميتەتى اگەنتتىكتىڭ رەسمي ساۋالىنا بەرگەن جاۋابىندا.
ۆەدومستۆو مالىمەتىنشە، كولىك سالىعىن تولەمەگەن قازاقستاندىقتاردىڭ 1013 كولىگى مامانداندىرىلعان ايىپپۇل تۇراعىنا قويىلعان.