كولىك ساپاسىز بەنزيننەن بۇزىلعاندا شىعىندى كىم وتەيدى - بەكتەنوۆ جاۋاپ بەردى

- قازاقستان رەسپۋبليكاسىنىڭ «تۇتىنۋشىلاردىڭ قۇقىقتارىن قورعاۋ تۋرالى» زاڭىنىڭ 31-بابىنا سايكەس، ساتۋشى تاۋار كەمشىلىكتەرى سالدارىنان تۇتىنۋشىنىڭ ومىرىنە، دەنساۋلىعىنا نەمەسە مۇلكىنە كەلتىرىلگەن زياندى وتەۋگە، ال تاۋاردىڭ كەمشىلىگى راستالعان جاعدايدا ساراپتاما جۇرگىزۋگە بايلانىستى شىعىنداردى دا وتەۋگە مىندەتتى. سونىمەن قاتار قازاقستان رەسپۋبليكاسى ازاماتتىق كودەكسىنىڭ 947 جانە 948-باپتارىنا سايكەس، تاۋاردىڭ كەمشىلىكتەرى سالدارىنان كەلتىرىلگەن شىعىن ساتۋشىنىڭ (دايىنداۋشىنىڭ) كىناسىنە قاراماستان وتەلۋگە ءتيىس جانە زارداپ شەككەن ادامنىڭ تاڭداۋى بويىنشا ساتۋشى نەمەسە دايىنداۋشى تاراپىنان وتەلەدى، - دەدى ۇكىمەت باسشىسى.

پرەمەر-مينيستر وسىعان بايلانىستى ساپاسىز وتىندى پايدالانۋ سالدارىنان اۆتوموبيلگە زالال كەلتىرىلگەن جاعدايدا تۇتىنۋشى كەلتىرىلگەن شىعىندى وتەۋ تۋرالى تالاپتى تىكەلەي ساتۋشىعا نەمەسە دايىنداۋشىعا قويۋعا قۇقىلى ەكەندىگىنە نازار اۋدارتادى.

- بۇل رەتتە مۇناي ءونىمى ساپاسىنىڭ ناشارلاۋى ورىن العان جەتكىزۋ تىزبەگىنىڭ ناقتى قاتىسۋشىسىن انىقتاۋ زاڭنامادا كوزدەلگەن راسىمدەر اياسىندا جۇزەگە اسىرىلادى جانە بۇل تۇتىنۋشىنىڭ كەلتىرىلگەن شىعىندى وتەۋ تۋرالى تالاپ قويۋ قۇقىعىن شەكتەمەيدى، - دەدى ولجاس بەكتەنوۆ.

بۇعان دەيىن دەپۋتات اسحات راحىمجانوۆ جانارماي ساپاسى بويىنشا اشىق مەملەكەتتىك ءتىزىلىم قۇرۋ قاجەتتىگىن كوتەرگەن ەدى.