ەكولوگيا مينيسترلىگى ورمانشىلاردى قايتا وقىتادى

ەكولوگيا جانە تابيعي رەسۋرستار مينيسترلىگى ورمان جۇمىسشالارىن قايتا دايارلىقتان وتكىزەدى، دەپ حابارلايدى Kazinform.

өрт
Фото: Фото: t.me/abai_oblysynyn_akimdigi

«ورمان ورتتەرىنىڭ الدىن الۋ ماقساتىندا ءورت كەزىندە جەدەل ارەكەت ەتۋ جانە قۇزىرلى ورگاندارمەن ءوزارا ءىس-قيمىل الگوريتمىنىڭ جوباسى ازىرلەندى. قازىر ەكولوگيا مينيسترلىگى توتەنشە جاعدايلار مينيسترلىگىنىڭ بىرلەسكەن بۇيرىعى قۇزىرلى مەملەكەتتىك ورگانداردىڭ قاراۋىندا. اتالعان جوبا بويىنشا ورمان كۇزەتى قىزمەتشىلەرى مەن توتەنشە جاعدايلار قىزمەتكەرلەرى جاعدايدى باعالاپ، ورمان ءورتى شىققان جاعدايدا قوسىمشا كۇشتەر تارتۋ تۋرالى دەرەۋ شەشىم قابىلداۋ كەرەك»، - دەگەن جاۋاپ بەرىلدى Kazinform اگەنتتىگىنىڭ رەسمي ساۋالىنا مينيسترلىكتەن.

اقپاراتتا ايتىلعانداي، مينيسترلىك ءورتتىڭ الدىن الۋ جانە ونىمەن كۇرەستە اۋە كەمەلەرى، قورعانىس مينيسترلىگى، ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ بولىمشەلەرىن تارتۋ قاراستىرىلعان.

«ورتپەن كۇرەستە جۇمىسشىلاردىڭ ءبىلىم دەڭگەيى مەن پراكتيكالىق داعدىلارىن جەتىلدىرۋ ماقساتىندا وقۋ باعدارلاماسى ازىرلەندى. مەملەكەتتىك ورمان كۇزەتى قىزمەتشىلەرىنىڭ بىلىكتىلىگىن ارتتىرۋ توتەنشە جاعدايلار مينيسترلىگىنىڭ وقۋ ورتالىقتارى بازاسىندا جۇرگىزىلەدى»، - دەپ ءتۇسىندىردى ۆەدومستۆودان.

بۇعان دەيىن سەمەي ورمانىندا بولعان ورتتەن مەملەكەتكە قانشا شىعىن كەلگەنى تۋرالى حابارلاعان ەدىك.

سونداي-اق ەكولوگيا مينيسترلىگىنەن سەمەي ورمانى ورتىنە جول بەرگەن كىنالى شەنەۋنىكتەرىڭ جازالانۋى تۋرالى ايتىلدى.

سوڭعى جاڭالىقتار