كولسايدا قىزىل كىتاپتاعى سيرەك ايۋ كامەراعا ءتۇسىپ قالدى
كولسايدا قىزىل كىتاپقا ەنگەن تيان-شان قوڭىر ايۋى بەينەكامەراعا ءتۇسىپ قالدى. سيرەك كەزدەسەتىن جىرتقىشتى ۇلتتىق پارك ماماندارى اۋماقتى بارلاۋ كەزىندە تىركەگەن.
«كولساي كولدەرى» مەملەكەتتىك ۇلتتىق تابيعي پاركىنىڭ ماماندارى اۋماقتى بارلاۋ بارىسىندا قازاقستاننىڭ قىزىل كىتابىنا ەنگەن تيان-شان قوڭىر ايۋىن (Ursus arctos isabellinus) بەينەكامەراعا ءتۇسىردى.
تاۋلى ءوڭىردى مەكەندەيتىن سيرەك جانۋاردىڭ تىركەلۋى - ۇلتتىق پاركتىڭ باي بيوالۋانتۇرلىلىگىن باقىلاۋ مەن جابايى تابيعاتتى قورعاۋ جۇمىستارى ءۇشىن ماڭىزدى دەرەك.
ەسكە سالا كەتەيىك، بۇعان دەيىن كەزەكتى اۋماقتى بارلاۋ بارىسىندا باياناۋىل مەملەكەتتىك ۇلتتىق تابيعي پاركىنىڭ ماماندارى مەن «قازاۆياورمانقورعاۋ» قىزمەتكەرلەرى ءبىر توپ ارقارلاردى كەزىكتىرگەن بولاتىن.
تاعى ءبىر قىزىق جاڭالىق - جاقىندا باياناۋىل مەملەكەتتىك ۇلتتىق تابيعي پاركىندە العاش رەت جانۋارلار دۇنيەسىنە ءتان ەمەس سيرەك جىرتقىش - قۇنۋ (Gulo gulo) فوتوتۇزاققا ءتۇسىپ قالعان ەدى. بۇل وسى سالادا عىلىمي جاڭالىق رەتىندە تاريح قويناۋىنا ەنىپ وتىر.
