كولساي كولدەرىندە كۇشىكتەرىن ەرتكەن قار بارىسى فوتوتۇزاققا ءتۇسىپ قالدى
الماتى. KAZINFORM - «كولساي كولدەرى» ۇلتتىق پاركىندە ءۇش ەسەيگەن الانىن ەرتكەن ۇرعاشى ءىلبىس فوتوتۇزاققا ءتۇسىپ قالدى. بۇل تۋرالى ۇلتتىق پاركتىڭ الەۋمەتتىك جەلىدەگى پاراقشاسى جاريالادى.
— قار بارىسىنىڭ ءۇش بىردەي بالاسىمەن فوتوتۇزاقتىڭ نىسانىنا ىلىگۋى - وتە سيرەك قۇبىلىس. بۇل ولار مەكەن ەتكەن ورتانىڭ ولارعا قولايلى ەكەنىن اڭعارتادى. سۇلۋ جىرتقىشتاردىڭ تابيعات اياسىندا قامسىز ءومىر ءسۇرۋى — ولاردىڭ پوپۋلياتسياسىن ساقتاۋ ماقساتىندا جاسالعان جۇمىستىڭ جەمىسى ەكەنى ءسوزسىز، - دەلىنگەن ۇلتتىق پارك جازباسىندا.
قار بارىسى قورعاۋعا الىنعان اڭ، دەسە دە ونىڭ پوپۋلياتسياسى براكونەرلىك پەن مەكەن ەتۋ ايماعىنىڭ جىلدان-جىلعا قىسقارۋىنا بايلانىستى ءالى دە وسال بولىپ قالا بەرمەك. الايدا مۇنداي كورىنىستەر عالىمدار مەن ۇلتتىق پاركتەردىڭ ۇيلەسىمدى جۇمىسىنىڭ ناتيجەسى، بۇل ەرەكشە جىرتقىشتاردى قورعاۋعا كومەكتەسەتىنىنە ءۇمىت بەرەدى.
تابيعاتتى بىرگە قولدايىق!
ەسكە سالساق، بۇعان دەيىن كاتونقاراعايدا قار بارىسى فوتوتۇزاققا ءتۇسىپ قالعان ەدى.
