كولبايەۆتىڭ ۇيىمداسقان قىلمىستىق توبى قاراكولدە تاۋ شاڭعى بازاسىن سالۋدى جوسپارلاعان
استانا. KAZINFORM - ق. اسانبەكتىڭ (كولبايەۆتىڭ) ۇيىمداسقان قىلمىستىق توبى زاڭسىز يەمدەنگەن جەر «قاراكول» مەملەكەتتىك تابيعي پاركىنىڭ بالانسىنا قايتارىلدى، دەپ حابارلايدى كابار اقپارات اگەنتتىگى.
ۆەدومستۆونىڭ مالىمەتىنشە، ق. اسانبەكتىڭ ۇيىمداسقان قىلمىستىق توبىنىڭ زاڭسىز جولمەن تاپقان كىرىستەرىن زاڭداستىرۋ فاكتىسى بويىنشا قوزعالعان قىلمىستىق ءىس اياسىندا «قاراكول» تاۋ شاڭعى بازاسىنىڭ جانىندا بەدەلدى اۋداندا ورنالاسقان، نارىقتىق قۇنى شامامەن 10 ميلليون سوم بولاتىن 2 گەكتار جەر ۋچاسكەسى انىقتالىپ، «قاراكول» مەملەكەتتىك تابيعي پاركتىڭ بالانسىنا قايتارىلدى.
اتالعان جەر ۋچاسكەسىندە ۇيىمداسقان قىلمىستىق توپقا قوماقتى قارجى اكەلەتىن شاڭعى تۋريستىك بازاسىن سالۋ جوسپارلانعان.
قىرعىزستاننىڭ ۇلتتىق قاۋىپسىزدىك كوميتەتى ق. اسانبەك پەن ونىڭ قىلمىستىق توبىنىڭ مۇلكىن ىزدەستىرۋ جانە مەملەكەتكە وتەۋ بويىنشا بەلسەندى جەدەل-ىزدەستىرۋ شارالارىن جالعاستىرىپ جاتىر.
ەسكە سالا كەتسەك، قازان ايىندا بىشكەكتە ارنايى وپەراتسيا كەزىندە قىلمىستىق اۆتوريتەت قامشى كولبايەۆتىڭ قازا تاپقانى حابارلانعان بولاتىن.
كەيىن قىرعىزستاننىڭ 50 كەدەن قىزمەتكەرى كامشى كولبايەۆپەن بايلانىسى ءۇشىن جۇمىستان شىعارىلدى.
