كوكتايعاق: قازاقستاننىڭ باسىم بولىگىندە اۋا رايىنا بايلانىستى ەسكەرتۋ جاريالاندى

استانا. قازاقپارات - 31 - قاڭتاردا ەلىمىزدىڭ باسىم بولىگىندە بۇرقاسىن، كوكتايعاق، تۇمان كۇتىلەدى، دەپ حابارلايدى «قازگيدرومەت» ر م ك باسپا ءسوز قىزمەتى.

метель, снег, погода, ауа райы, қар, боран
Фото: Kazinform

الماتىدا تۇمان ءتۇسىپ، جولدار كوكتايعاق بولادى.

شىمكەنتتە تۇندە قار جاۋىپ، كوكتايعاق بولىپ، تۇمان تۇسەدى.

اباي وبلىسىندا قار جاۋىپ، تۇندە وبلىستىڭ باتىسى مەن سولتۇستىگىندە بۇرقاسىن بولادى.

اتىراۋ وبلىسىنىڭ باتىسىندا، سولتۇستىگىندە جانە وڭتۇستىگىندە تۇمان، كوكتايعاق كۇتىلەدى.

اقتوبە وبلىسىنىڭ سولتۇستىگى مەن شىعىسىندا كوكتايعاق كۇتىلەدى. وبلىستىڭ باتىسى مەن وڭتۇستىگىندە تۇمان تۇسەدى.

اقمولا وبلىسىنىڭ وڭتۇستىگى مەن شىعىسىندا تۇندە ازداعان قار جاۋىپ، بۇرقاسىن بولادى. وبلىستىڭ باتىسىندا، وڭتۇستىگىندە جانە شىعىسىندا تۇمان تۇسەدى.

الماتى وبلىسىندا تۇندە كەي جەرلەردە قار، كۇندىز جاۋىن-شاشىن (كوبىنەسە قار) كۇتىلەدى. وبلىستىڭ سولتۇستىك، وڭتۇستىك، تاۋلى ايماقتارىندا تۇمان ءتۇسىپ، جولدار كوكتايعاق بولادى. شىعىستا سولتۇستىك-باتىستان جەل سوعادى، وبلىستىڭ تاۋلى ايماقتارىندا ەكپىنى 15-20 م/س جەتەدى.

شىعىس قازاقستان وبلىسىندا قار جاۋادى، تۇندە وبلىستىڭ سولتۇستىگى مەن شىعىسىندا قالىڭ قار جاۋىپ، بۇرقاسىن كۇتىلەدى.

تۇندە جامبىل وبلىسىنىڭ تاۋلى ايماقتارىندا قار، كۇندىز سولتۇستىك، وڭتۇستىك، تاۋلى ايماقتاردا جاۋىن- شاشىن (نەگىزىنەن قار) كۇتىلەدى. سولتۇستىكتە، وڭتۇستىكتە، وبلىستىڭ تاۋلى ايماقتارىندا تۇمان ءتۇسىپ، كوكتايعاق بولىپ، قار جاۋادى. سولتۇستىك- باتىستان سوعاتىن جەلدىڭ كۇشى وبلىستىڭ تاۋلى اۋداندارىندا - 15-20 م/س.

جەتىسۋ وبلىسىندا تۇندە قار، كۇندىز جاۋىن- شاشىن (كوبىنەسە قار) كۇتىلەدى. وبلىستىڭ تاۋلى ايماقتارىندا كەي جەرلەردە تۇمان ءتۇسىپ، كوكتايعاق بولادى. وبلىستىڭ سولتۇستىگىندە وڭتۇستىك- باتىستان سوعاتىن جەلدىڭ ەكپىنى - 15-20 م/س.

باتىس قازاقستان وبلىسىنىڭ سولتۇستىگى مەن شىعىسىندا تۇمان، كوكتايعاق كۇتىلەدى.

قاراعاندى وبلىسىندا تۇندە قار جاۋىپ، بۇرقاسىن كۇتىلەدى.

قوستاناي وبلىسىنىڭ باتىسى مەن وڭتۇستىگىندە تۇمان تۇسەدى.

قىزىلوردا وبلىسىنىڭ شىعىسىندا، وڭتۇستىگىندە جانە ورتالىعىندا تۇمان، كوكتايعاق كۇتىلەدى.

ماڭعىستاۋ وبلىسىنىڭ سولتۇستىك- شىعىسىندا تۇندە جانە تاڭەرتەڭ تۇمان تۇسەدى.

پاۆلودار وبلىسىنىڭ باتىسىندا، وڭتۇستىگىندە جانە شىعىسىندا تۇندە قار جاۋىپ، بۇرقاسىن بولادى، كۇندىز ازداعان قار جاۋادى. وبلىستىڭ وڭتۇستىگى مەن شىعىسىندا سولتۇستىك- باتىستان سوعاتىن جەلدىڭ ەكپىنى - 15-20 م/س.

سولتۇستىك قازاقستان وبلىسىنىڭ باتىسىندا تۇمان كۇتىلەدى. تۇندە سولتۇستىكتە، باتىستا، تاۋلى جانە تاۋ بوكتەرىندەگى اۋدانداردا، كۇندىز تۇركىستان وبلىسىنىڭ تاۋلى ايماقتارىندا قار جاۋىپ، كوكتايعاق كۇتىلەدى. وبلىستىڭ سولتۇستىگىندە، باتىسىندا، تاۋلى جانە تاۋ بوكتەرىندەگى اۋداندارىندا تۇمان ءتۇسىپ، وبلىستىڭ تاۋلى اسۋلارىندا بۇرقاسىن بولادى. سولتۇستىك- باتىستان سوعاتىن جەل ەكپىنى - 15-20 م/س.

ۇلىتاۋ وبلىسىنىڭ شىعىسىندا تۇندە ازداعان قار جاۋادى، بۇرقاسىن بولادى. وبلىستىڭ باتىسى مەن وڭتۇستىگىندە كوكتايعاق كۇتىلەدى. وبلىستىڭ سولتۇستىگىندە تۇمان تۇسەدى.

ايتا كەتەيىك، جەتىسۋ وبلىسىندا اۋا رايىنا بايلانىستى بىرنەشە جولعا شەكتەۋ قويىلدى.

الماتىدا تولاسسىز قار جاۋىپ جاتىر. كوممۋنالدىق قىزمەت جولعا رەاگەنت سەۋىپ، 450 دەن استام ارنايى تەحنيكا شىعاردى.

سوڭعى جاڭالىقتار