كوكتايعاق: الماتىلىق كولىك جۇرگىزۋشىلەرگە دوڭگەلەكتەردى اۋىستىرۋ ۇسىنىلدى

قالالىق كوممۋنالدىق ينفراقۇرىلىمدى دامىتۋ باسقارماسى الماتىلىق كولىك جۇرگىزۋشىلەرگە ءبىرقاتار كەڭەس بەردى، دەپ حابارلايدى Kazinform.

«قازگيدرومەت» ر م ك بولجامى بويىنشا، 31-قازاننان 1-قاراشاعا قاراعان ءتۇنى الماتىدا قاتتى جاڭبىر جاۋىپ، ارتى ءسىلبى قارعا ۇلاسادى. تۇندە اۋا تەمپەراتۋراسى -3 گرادۋسقا دەيىن تومەندەيدى، كوكتايعاق بولادى.

وسىعان وراي قالالىق كوممۋنالدىق ينفراقۇرىلىمدى دامىتۋ باسقارماسى الماتىلىق كولىك جۇرگىزۋشىلەرگە ءبىرقاتار كەڭەس بەردى.

«كوممۋنالدىق قىزمەتتەردىڭ كوكتايعاققا قارسى جۇمىستاردى جەدەل جانە ساپالى جۇرگىزۋىن قامتاماسىز ەتۋ ماقساتىندا اۆتوكولىك يەلەرىنەن مۇمكىندىگىنشە قالا بويىنشا قوزعالىستى شەكتەۋدى سۇرايمىز. جولدا كوكتايعاقتىڭ ءارى قوزعالىس بولىگىندە تايعاناق قابىرشىقتاردىڭ پايدا بولۋىنا بايلانىستى جۇرگىزۋشىلەر قوزعالىس جىلدامدىعىن تومەندەتىپ، اۆتوموبيلدەر اراسىنداعى قاشىقتىقتى ارتتىرىپ، بۇيىرلىك ارالىقتى ساقتاۋلارى، كەنەتتەن مانيەۆرلەر مەن تەجەۋلەر جاساۋدان اۋلاق بولۋلارى ءتيىس»، - دەلىنگەن حابارلامادا.

باسقارما مالىمەتىنشە، مەگاپوليستىڭ ينفراقۇرىلىمىنا 10 مەردىگەر ۇيىم، 818 بىرلىك تەحنيكا جانە 1240 جول جۇمىسشىسى تارتىلدى. 76 توننا كوكتايعاققا قارسى ماتەريالدار دايىندالدى.

«اعىمداعى جىلى تەحنيكانى جاڭارتۋ جانە ەڭبەكتى مەحانيكالاندىرۋ ماقساتىندا 101 بىرلىك تەحنيكا ساتىپ الىندى. بارلىق تەحنيكا امبەباپ. قىستا دا، جازدا دا قولدانىلادى»، - دەپ اتاپ ءوتتى الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنان.