كوك تۋدىڭ استىندا: دەربەس بىتىمگەرلىك كونتينگەنتتىڭ بۇعان دەيىنگى بىتىمگەرلەردەن ايىرماشىلىعى نەدە

25 қазанда Қорғаныс министрлігі күшейтілген режимде жұмыс істейді
Фото: gov.kz

استانا. KAZINFORM - قورعانىس ءمينيسترىنىڭ ورىنباسارى دارحان احمەديەۆ Kazinform ساۋالىنا جولداعان جاۋابىندا تۇڭعىش دەربەس بىتىمگەرلىك كونتينگەنتتىڭ بۇعان دەيىنگى بىتىمگەرلەردەن ايىرماشىلىعى قانداي ەكەنىن ءتۇسىندىردى.

«بۇعان دەيىنگى قازاقستان رەسپۋبليكاسى قارۋلى كۇشتەرى بىتىمگەرشىلىك كونتينگەنتتى 2018-جىلى ب ۇ ۇ- نىڭ ليۆانداعى ۋاقىتشا كۇشتەرى ميسسياسىنا ءۇندىستان قارۋلى كۇشتەرىنىڭ بىتىمگەرشىلىك باتالونى قول استىندا جولداعان بولاتىن. ياعني، قازاقستان بىتىمگەرلەرى تەك جەكە قارۋ-جاراعى مەن جەكە مۇلىكتەرىن العان بولاتىن»، - دەپ جازىلعان جاۋاپتا.

ال بۇل جولى قازاقستاندىق اسكەريلەر وزىمەن بىرگە قازاقستان تۋىن الىپ جۇرەدى.

«قازىرگى جولداناتىن كونتينگەنت قازاقستان رەسپۋبليكاسىنىڭ ءوز تۋىنىڭ استىندا دەربەس، ءوزىنىڭ اسكەري تەحنيكاسى، قارۋ-جاراعى جانە قوسىمشا مۇلكىمەن بىرگە جولدانايىن دەپ وتىر. كونتينگەنت جولداۋعا قازاقستان رەسپۋبليكاسىنىڭ ب ۇ ۇ- نىڭ جارعىسىندا كورسەتىلگەن حالىقارالىق قاۋىپسىزدىك پەن بەيبىتشىلىككە ۇلەس قوسۋ شەڭبەرىندەگى مىندەتتەمەلەرىن ورىنداۋ شەڭبەرىندە جۇزەگە اسىرىلىپ وتىر. سونداي-اق، ءبىزدىڭ اسكەريلەردىڭ بىتىمگەرشىلىك ميسسياعا قاتىسۋ بارىسىندا قوسىمشا تاجىريبە جينايتىنى انىق»، - دەلىنگەن مينيستر ورىنباسارىنىڭ جاۋابىندا.

سوڭعى جاڭالىقتار