كوشپەندىلەر ويىنى: قازاقستاننىڭ مەدالدار سانى 67 گە جەتتى

استانا. قازاقپارات - 5- دۇنيەجۇزىلىك كوشپەندىلەر ويىندارىنىڭ ءتورتىنشى جارىس كۇنىندە قازاقستاندىق سپورتشىلار 6 التىن، 7 كۇمىس، 6 قولا مەدال جەڭىپ الدى.

ناتيجەسىندە قازاقستان قۇراماسى التىن مەدالدار سانىن 27 گە جەتكىزىپ، جالپى ەسەپتە ءبىرىنشى ورىندا كەلەدى. سونىمەن قاتار ەل قورجىنىندا 17 كۇمىس، 23 قولا جالپى 67 مەدال بار.

ال وسى كۇنگە دەيىن ەكىنشى ورىندى قىرعىزستان قۇراماسى بەرمەي كەلە جاتقان بولاتىن. الايدا، بۇگىن وزبەكستان قۇراماسى 1 التىن ايىرماشىلىعىمەن قىرعىزدارى ءۇشىنشى ورىنعا سىرعىتتى.

وزبەكستان قۇراماسىنىڭ ەنشىسىندە 11 التىن، 12 كۇمىس، 9 قولا (32) مەدال بار. ال قىرعىزستان سپورتشىلارى 10 التىن، 13 كۇمىس، 15 قولا (38) مەدالمەن ۇزدىك ۇشتىكتى تۇيىندەپ تۇر.

ال ءتورتىنشى ورىنعا 9 التىن، 7 كۇمىس، 19 قولا (35) مەدال جەڭىپ العان رەسەي قۇراماسى يە بولسا، يران سپورتشىلارى 1 التىن، 3 كۇمىس، 7 قولا (11) مەدالمەن جالپى ەسەپتە بەسىنشى ورىندا كەلەدى.

بۇگىنگە دەيىن جالپى 5- دۇنيەجۇزىلىك كوشپەندىلەر ويىندارىنىڭ جۇلدەسى 28 مەملەكەتتىڭ سپورتشىلارىنا بۇيىردى.

اۆتور
كۇنسۇلتان وتارباي