كوشپەندىلەر ويىنى: قازاقستان مەدالدار سانىن 86 عا جەتكىزدى

استانا. قازاقپارات - 5- دۇنيەجۇزىلىك كوشپەندىلەر ويىندارىنىڭ بەسىنشى جارسى كۇنىندە قازاقستاندىق سپورتشىلار مەدالدار سانىن 86 عا جەتكىزدى.

ناقتىراق ايتساق، بۇگىن وتانداستارىمىز ەل قورجىنىنا 6 التىن، 7 كۇمىس، 5 قولا جۇلدە سىيلادى. جالپى ەسەپتە قازاقستان قورجىنىندا 32 التىن، 24 كۇمىس، 27 قولا جۇلدە بار. وسىلايشا، جالپى ەسەپتە سپورتشىلارىمىز ءبىرىنشى ورىندا كەلە جاتىر.

ال بۇگىن قىرعىزستان قۇراماسى ءبىر كۇندە 6 التىن مەدال، 4 كۇمىس، 5 قولا مەدال جەڭىپ الىپ، ەكىنشى ورىنعا كوتەرىلدى. ولاردىڭ ەنشىسىندە جالپى 16 التىن، 17 كۇمىس، 20 قولا جۇلدە بار.

ال ۇزدىك ءۇشىنشى ورىندا كەلە جاتقان وزبەكستان قۇراماسىنىڭ ەنشىسىندە 11 التىن، 12 كۇمىس، 11 قولا مەدال بولسا، ءتورتىنشى ورىنعا 11 التىن، 10 كۇمىس، 24 قولا مەدال جەڭىپ العان رەسەي قۇراماسى يەلىك ەتىپ كەلەدى. بەستىكتى 2 التىن، 2 كۇمىس، 2 قولا مەدالمەن تۇركيا قۇراماسى تۇيىندەپ تۇر.

بۇگىنگە دەيىن جالپى 5- دۇنيەجۇزىلىك كوشپەندىلەر ويىندارىنىڭ جۇلدەسى 32 مەملەكەتتىڭ سپورتشىلارىنا بۇيىردى.

اۆتور
كۇنسۇلتان وتارباي