كوشپەندىلەرگە ارنالعان جاڭا Neo Nomad ۆيزاسىنىڭ يەگەرى كىم

الماتى. KAZINFORM - قازىر ونىڭ جالعىز يەسى - ەنەرگەتيكا جانە قارجى سالاسىندا تاجىريبەسى بار ۇلى بريتانيا ازاماتى سەرتاچ يەنەر.

ۆ
Фото: montsame

— ۆيزا قاشىقتان جۇمىس ىستەيتىن تۋريستەرگە، ياعني باعدارلامالاۋ، ماركەتينگ، قارجى، كونسالتينگ، ديزاين جانە ەلەكتروندى كوممەرتسيا سياقتى ءتۇرلى سالالاردا قىزمەت ەتەتىن شەتەلدىك ازاماتتارعا ارنالعان. العاشقى جانە ازىرگە جالعىز ۆيزا يەسى – ۇلى بريتانيا ازاماتى سەرتاچ يەنەر، - دەپ جاۋاپ بەردى «Kazakh Tourism» ۇ ك» ا ق باسپا ءسوز قىزمەتى ءبىزدىڭ ساۋالىمىزعا.

كومپانيادان اتاپ وتكەندەي، ۆيزا يەلەرىنىڭ ءبىر جىلعا دەيىن قازاقستاندا تۇرۋعا مۇمكىندىگى بار. وسى ۋاقىت ىشىندە ولار شەتەلدىك كومپانيالاردا جۇمىس ىستەي الادى. بۇل شەتەلدىك تۋريستەرگە قازاقستان مادەنيەتى مەن تۇرمىسىن جاقىنىراق تانۋعا مۇمكىندىك بەرەدى.

قازىر الەمنىڭ 50 دەن استام ەلى سيفرلىق كوشپەندىلەرگە ۆيزا ەنگىزدى، ولاردىڭ ءارقايسىسىنىڭ وزىندىك ەرەكشەلىكتەرى بار.

— Neo Nomad ۆيزاسىن الۋ ءۇشىن شەتەلدىك ازامات قازاقستاننان تىس جەردە تۇراقتى كىرىسىنىڭ بار ەكەنىن دالەلدەۋى كەرەك، ونىڭ مولشەرى ايىنا كەمىندە 3000 ا ق ش دوللارىن قۇراۋى قاجەت. سونىمەن قاتار، نەگىزگى كىرىس تالاپتارىنان باسقا، شەتەلدىك ءوتىنىش بەرۋشىگە مەديتسينالىق ساقتاندىرۋ جانە سوتتىلىعىنىڭ جوقتىعى تۋرالى انىقتاما تالاپ ەتىلەدى. نەگىزى ءوتىنىش بەرۋشىنىڭ وتباسى مۇشەلەرى دە ۆيزا الا الادى، — دەپ قوستى كومپانيادان.

ەسكە سالايىق، ەلدە مەملەكەت باسشىسى قاسىم-جومارت توقايەۆتىڭ تاپسىرماسى بويىنشا Neo Nomad دەپ اتالاتىن جاڭا ۆيزا ءتۇرى ەنگىزىلگەن بولاتىن.

سوڭعى جاڭالىقتار