كوشپەلى سيرك پەن زووباقتارعا تىيىم سالىنسا، جانۋارلار قايدا كەتەدى
استانا. KAZINFORM - تاياۋدا ەلىمىزدە كەلەسى جىلدان باستاپ كوشپەلى سيرك پەن زووباقتارعا تىيىم سالىناتىنى بەلگىلى بولدى. ولار جابىلسا جانۋارلاردىڭ تاعدىرى نە بولماق؟
بۇل ساۋالدىڭ جاۋابىن ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى اندرەي كيمنەن سۇراعان ەدىك.
- زووباقتارعا كەلسەك، جانۋارلاردى تاپسىرۋ كەرەك. قازىر بىزدە ءۇش مەملەكەتتىك حايۋاناتتار باعى بار، جانۋارلاردى سولارعا وتكىزسە بولادى. ولار شىمكەنت، الماتى جانە قاراعاندى قالاسىندا ورنالاسقان. بيزنەس تۇرعىسىنان، نارىقتاعى جانۋارلاردىڭ باعاسىن الىپ قاراساق، يەلەرى جانۋارلاردى دالادا قالدىرمايدى دەپ ويلايمىن، - دەدى اندرەي كيم ۆەدومستۆودا وتكەن باسپا ءسوز ءماسليحاتىندا.
ونىڭ ايتۋىنشا، جانۋارلاردى ۇستاۋعا زاڭ اياسىندا تىيىم سالىنباعان.
- كوشپەلى سيرك پەن زووباقتاردىڭ قىزمەتىنە تىيىم سالىنادى، ال جانۋارلاردى ۇستاۋعا، ولارعا جاۋاپكەرشىلىكپەن قاراۋعا يەلەرى زاڭ بويىنشا مىندەتتى، - دەپ تولىقتىردى مينيسترلىك وكىلى.
ەسكە سالا كەتسەك، ەكولوگيا جانە تابيعي رەسۋرستار ءمينيسترى ەرلان نىسانبايەۆ كەلەر جىلى 1-قاڭتاردان باستاپ ەلىمىزدە كوشپەلى سيركتەر مەن زووباقتارعا تىيىم سالىناتىنى تۋرالى مالىمدەگەن ەدى.
ەسكە سالا كەتەيىك، بۇعان دەيىن جازعانىمىزداي 1- قاڭتاردان باستاپ قازاقستاندا كوشپەلى تسيركتەر مەن زووباقتارعا تىيىم سالىنادى.
