كودەكس جوباسى: قۇنى 450 ميلليون تەڭگەدەن اساتىن جىلجىمايتىن مۇلىك يەلەرى ۇلعايتىلعان سالىق تولەيدى
استانا. KAZINFORM - جىلىستە سالىق كودەكسىنىڭ جاڭا رەداكتسياسىن تانىستىرعان پرەمەر-ءمينيستردىڭ ورىنباسارى ۇلتتىق ەكونوميكا ءمينيسترى سەرىك جۇمانعارين ءسان-سالتانات سالىعى كىمدەرگە قولدانىلاتىن ايتتى.
- ءبىز «ءسان- سالتانات سالىعى» دەپ اتالاتىن تاۋارلاردىڭ جەكەلەگەن ساناتتارىنا جوعارى سالىق سالۋدى ۇسىنامىز. ول ءۇشىن جىلجىمايتىن مۇلىك قۇنى 450 ميلليون تەڭگەدەن اساتىن بولسا، مۇلىك سالىعىنىڭ مولشەرلەمەسىن ۇلعايتۋ ۇسىنىلادى. سونداي- اق قۇنى 75 ميلليون تەڭگەدەن اساتىن جەڭىل اۆتوموبيلدەرگە، سونداي-اق قىمبات تەڭىز كەمەلەرى مەن ۇشۋ اپپاراتتارىنا اكتسيزدەر ەنگىزۋ جوسپارلانىپ وتىر. ادىلدىك ماقساتىندا قىمبات الكوگولدىك سۋسىندار مەن سيگارالارعا %10 اكسيزدەر ۇسىنىلادى، - دەدى ۆيتسە- پرەمەر.
سونداي-اق ول ارناۋلى سالىق رەجيمدەرى رەفورماعا تۇسەتىنىن ايتتى.
كودەكستىڭ جاڭا رەداكتسياسىندا ارناۋلى سالىق رەجيمدەرىنىڭ سانىن 7 دەن ۇشكە دەيىن ءتۇسىرۋ ۇسىنىلعان. ولار:
1. ءوزىن-ءوزى جۇمىسپەن قامتىعاندار ءۇشىن جاڭا جەڭىلدىكتى رەجيم.
2. وڭايلاتىلعان دەكلاراتسيا نەگىزىندەگى ارناۋلى سالىق رەجيمى.
3. شارۋا جانە فەرمەر قوجالىقتارى ءۇشىن ارناۋلى سالىق رەجيمى.
ايتا كەتۋ كەرەك، سالىق كودەكسىنىڭ جاڭا رەداكتسياسىندا ققس سالىناتىن اينالىمنىڭ تومەنگى شەگىن 40 ميلليون تەڭگە دەپ بەلگىلەۋ ۇسىنىلىپ وتىر.
