ەكوبەلسەندى گرەتا تۋنبەرگكە تاعى ايىپپۇل سالىندى

грета
Фото: Фото: instagram.com/gretathunberg

 پوليتسياعا باعىنباي، قوعامدىق ءتارتىپتى بۇزعانى ءۇشىن شۆەد بەلسەندىسى ايىپپۇل تولەۋگە مىندەتتەلدى. Kazinform بۇل تۋرالى Euronews-كە سىلتەمە جاساپ حابالايدى. 

شۆەتسيانىڭ مالميە قالاسىنىڭ سوتى تانىمال ەكوبەلسەندى گرەتا تۋنبەرگكە 5500 كرون (شامامەن 240 مىڭ تەڭگە) مولشەرىندە ايىپپۇل سالدى. وسىلايشا، تۋنبەرگ قوعامدىق ءتارتىپتى بۇزىپ، بيىل شىلدەدە بولعان اكسيا كەزىندە پوليتسياعا باعىنباعانى ءۇشىن جازالاندى.

سول كەزدە نارازى توپ قازبا وتىندى پايدالانۋعا قارسىلىق رەتىندە مالميە پورتىنا كىرەر جولدى جاۋىپ تاستاعان بولاتىن.

ماۋسىم ايىندا وسىعان ۇقساس نارازىلىعى ءۇشىن وعان العاش رەت ايىپپۇل سالىنعان ەدى. جيىرما جاستاعى بەلسەندى ءوزىن كىنالى دەپ ەسەپتەمەيدى.

سوڭعى جاڭالىقتار