كوپبالالى وتباسى بالالارى ارنايى كۆوتامەن وقۋعا تۇسە الادى

жоо студент оқуға түсу
فوتو: Pixabay

استانا. KAZINFORM - ۇلتتىق تەستىلەۋ ورتالىعى «كوپبالالى وتباسى» كۆوتاسى تۋرالى اقپارات ۇسىندى. كامەلەتكە تولماعان ءتورت جانە ودان كوپ بالا تاربيەلەپ وتىرعان وتباسىنان شىققان بالالار كۆوتاسى - %5.

ياعني، جالپى ماماندىققا بولىنگەن گرانتتىڭ %5 ى وسى كۆوتامەن بەرىلەدى. مىسالى، 2024 -جىلى «پەداگوگيكالىق عىلىمدار» باعىتى بويىنشا 13735 گرانت بولىنگەن.

ونىڭ ىشىندە 687 گرانت نەمەسە %5 ى كوپبالالى وتباسىنان شىققان بالالارعا ارنالعان.

«كوپبالالى وتباسى» كۆوتاسى بويىنشا گرانت كونكۋرسىنا قاتىسۋ ءۇشىن تالاپكەر 18 جاسقا تولماۋى كەرەك.

وتباسىندا كامەلەتكە تولماعان ءتورت بالا، ونىڭ ىشىندە 23 جاسقا تولماعان كۇندىزگى بولىمدە وقيتىن ج و و نەمەسە كوللەدج ستۋدەنتى بولۋى كەرەك.

مىسالى، تالاپكەردىڭ ءوزى (18 جاسقا تولماعان) 1+ بالا (18 جاسقا تولماعان) 1+ بالا (18 جاسقا تولماعان) 1+ بالا (23 جاسقا تولماعان كۇندىزگى بولىمدە وقيتىن ج و و نەمەسە كوللەدج ستۋدەنتى).

قوسىمشا سۇراقتارىڭىز بولسا، جوعارى وقۋ ورىندارىنىڭ قابىلداۋ كوميسسياسىنا جۇگىنۋگە بولادى. ولاردىڭ بايلانىس ءنومىرى مىنا سىلتەمەدە جاريالانعان.

سوڭعى جاڭالىقتار