ەكو- پيكنيك: استانادا ەرەكشە فورماتتا ەكواكتسيا ءوتتى

Эко-пикник
Фото: Астана әкімдігі

 استانا. KAZINFORM - «تازا قازاقستان. استانا - تازالىق پەن ءتارتىپتىڭ ۇلگىسى» ەكولوگيالىق اكسياسى اياسىندا پرەزيدەنتتىك ساياباقتا كينو كورسەتىلىم ءوتتى، دەپ حابارلايدى ەلوردا اكىمدىگىنىڭ رەسمي سايتى.

«كوكتەمنىڭ جىلى كۇنىندە استانالىقتار ءبىر كۇندى وتباسىمەن بىرگە وتكىزە الادى. بالالارعا ارنالعان تەگىن باعدارلاما ۇيىمداستىرىلدى، ولارعا انيماتورلار ويىن وتكىزەدى، اكۆاگريم، ساحنادا سيقىرشىلار جۇمىس ىستەيدى. سونىمەن قاتار «حاتيكو» فيلمىنىڭ كەشكى كورسەتىلىمىن ۇيىمداستىردىق جانە كىرە بەرىستە كورپەلەر تاراتتىق. ەكولوگيالىق اكسيانىڭ بۇل باستاماسى بارشامىزدى تۋعان جەرىمىزدى تازا ەتۋ ماقساتىندا بىرىكتىرۋگە ارنالعان»، - دەپ اتاپ ءوتتى ەسىل اۋدانى اكىمدىگىنىڭ ىشكى ساياسات ءبولىمىنىڭ باسشىسى ءالي جولتابار.

اكتسيانى ۇيىمداستىرۋشىلاردىڭ ايتۋىنشا، ءىس- شارانىڭ ماقساتتارىنىڭ ءبىرى - قالا تۇرعىندارىنىڭ مىنەز- قۇلقىنىڭ جاڭا ەكولوگيالىق مادەنيەتىن قالىپتاستىرۋ. پيكنيكتەن كەيىن قوناقتار ساياباقتىڭ اۋماعىن تازا قىلىپ، قوقىستاردى جيناپ كەتتى.

«ءبىز بۇگىنگى كۇنگە وتە قۋانىشتىمىز! بۇل - جاعىمدى ەنەرگيا مەن قۋانىشقا تولى وتە جاقسى ءسات. وتباسىمىزبەن ەكواكسياعا قاتىستىق، ءىس-شاراعا قاتىسقان ادامدار سانىنىڭ كوپتىگىنە تاڭ قالدىق. ماعان بالالار ءۇشىن انيماتورلار، بەت بوياۋلارى، سيقىرشىلار سياقتى قىزىقتى باعدارلاما ۇيىمداستىرىلعانى ۇنادى. ولار باسىندا قاي جاققا قارارلارىن بىلمەدى. وسىنداي كەرەمەت پيكنيك ءۇشىن ۇيىمداستىرۋشىلارعا راقمەت» ،- دەدى ەلوردا تۇرعىنى كاميلا تولەمىسوۆا.

كەشكە ساياباق قوناقتارى ءۇشىن اشىق اسپان استىندا كينو كورسەتىلىمى ۇيىمداستىرىلادى. ايتا كەتۋ كەرەك، ەكواكتسياعا 1000 نان استام ادام كەلدى.

استانادا «تازا قازاقستان. استانا - تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسيانىڭ وسى اپتاسى «ءمولدىر بۇلاق» دەپ اتالادى. بۇل اپتادا سۋ ايدىندارى - وزەندەر مەن كولدەردىڭ اينالاسى قوقىستان تازارتىلادى.

سوڭعى جاڭالىقتار