ەكس-پرەزيدەنتتىڭ قىزى داريعا نازاربايەۆانىڭ قايدا جۇرگەنى بەلگىلى بولدى
استانا. KAZINFORM - قازاقستاننىڭ ەكس-پرەزيدەنتى نۇرسۇلتان نازاربايەۆتىڭ قىزى داريعا نازاربايەۆا مەن ونىڭ وتباسى كان قالاسىندا (فرانسيا) وتكەن كەشتە كوزگە ءتۇستى.
ۆيدەو Telegram-داعى كانالداردىڭ بىرىندە تارادى.
وندا داريعا نازاربايەۆا، ۇلى ءنۇرالى اليەۆ پەن ونىڭ ايەلى ايدا اليەۆا، بالالارى لاۋرا، اميرا مەن الان كان قالاسىنداعى قىمبات ءىس-شارادا جۇرگەنىن كورۋگە بولادى.
اشىق دەرەككوزدەردىڭ مالىمەتىنشە، بۇل شاراعا قاتىسۋدىڭ ءوزى ارزان ەمەس: كەشكە قاتىسامىن دەۋشىلەر ەكى ادامعا 33 مىڭ ەۋرو نەمەسە 17,5 ميلليون تەڭگە تولەۋى كەرەك.
شارادا اۋلەتتىڭ التى ادامى ءجۇر. وسىلايشا، نازاربايەۆتىڭ قىزى، نەمەرەلەرى مەن شوبەرەلەرى ءبىر شاراعا قاتىسۋدىڭ وزىنە 52,6 ميلليون تەڭگە بەرگەن بولۋى مۇمكىن.
كان قالاسىنداعى Knights of Charity Gala قايىرىمدىلىق شاراسى Château de La Croix des Gardes in Cannes جەكەجايىندا وتكەن.
كەش ۇيىمداستىرۋشىسى - گولليۆۋد جۇلدىزى شەرون ستوۋن (SHARON STONE).
قايىرىمدىلىق شاراسى موناكونىڭ قازىرگى كىنازى Grace Kelly قۇرمەتىنە ۇيىمداستىرىلعان.
اۋكسيوندا قىمبات لوتتار ويناتىلعان.
