كەڭەس راقىشەۆ قازاقستان بوكس فەدەراتسياسى پرەزيدەنتى رەتىندە قالاي ەستە قالدى؟

قازاقستاندىق كاسىپكەر كەڭەس راقىشەۆ 2019-جىلدىڭ قازان ايىنان بەرى تىزگىندەپ كەلگەن قازاقستان بوكس فەدەراتسياسى پرەزيدەنتى قىزمەتىنەن كەتتى.

2024-جىلدىڭ 5- اقپانىنان باستاپ ق ب ف- نىڭ قۇرمەتتى پرەزيدەنتى لاۋازىمىنا يە بولدى. ول ق ب ف پرەزيدەنتى بولعان تۇستا جەكە قاراجاتىنان 7064000 دوللار جانە 1,15 ميلليارد تەڭگە جۇمسادى.

كاسىپكەر كەڭەس راقىشەۆتىڭ ايتۋىنشا، ءوزى باسشىلىق جاساعان ۋاقىت ارالىعىندا فەدەراتسيا كوپتەگەن جەتىستىكتەرگە جەتتى، ونىڭ ىشىندە ەڭ باستىسى رەتىندە قازاقستان قۇراماسىنىڭ وزبەكستان مەن ءۇندىستاندا وتكەن الەم چەمپيوناتىندا جوعارى ناتيجە كورسەتۋىن ايتۋعا بولادى. ەرلەر قۇراماسى تاشكەنتتە 4 التىن جانە 1 كۇمىس مەدال ەنشىلەسە، ايەلدەر قۇراماسى نيۋ-دەليدە 2 كۇمىس جانە 4 قولا مەدالعا قول جەتكىزدى.

قازاقستان ەرلەر قۇراماسىنىڭ وزبەكستاندا وتكەن الەم چەمپيوناتىنداعى ونەرى - تاريحي جەتىستىك. جۇلدە سانى بويىنشا شەت ەلدە وتكەن جارىستارداعى جوعارى ناتيجەنى كورسەتتى. 2013-جىلى وسىنداي جەتىستىك الماتىداعى الەم چەمپيوناتىندا بولعان، ءبىراق باستى باسەكەلەس شارشى الاڭىندا ۇزدىك ونەر كورسەتۋ ۇلكەن ماقتانىش. نيۋ-دەليدەگى الەم چەمپيوناتىندا قىزدارىمىز قازاق بوكس مەكتەبىنىڭ وزىق ۇلگىسىن كورسەتىپ، الەمنىڭ ۇزدىك قۇرامالارىمەن شايقاستى. بۇل دا شەتەلدە وتكەن جارىستارداعى ەڭ كوپ العان جۇلدەمىز، ونىڭ ەكەۋىن فينالدا ەنشىلەدى، - دەيدى كاسىپكەر.

قازاقستاندىق بوكس جالپى كورسەتكىشتەر تۇرعىسىنان دا ءوزىنىڭ الەۋەتىن كورسەتتى. حالىقارالىق بوكس قاۋىمداستىعىنىڭ (IBA) جاڭارعان رەيتينگىندە قازاقستان تاشكەنتتەگى الەم چەمپيوناتىنداعى ناتيجەسى بويىنشا 81000 ۇپايمەن ءبىرىنشى ورىنعا شىقتى. فەدەراتسيا باسشىلىعىنىڭ ايتۋىنشا، مۇنداي جوعارى كورسەتكىش - ءبىزدىڭ ءاربىر بوكسشىمىزدىڭ جۇمىسىنىڭ ناتيجەسى.

بۇدان وزگە قازاقستان قۇراماسىنىڭ حاڭجوۋدا وتكەن ازيا ويىندارىنداعى ونەرىن دە ايتا كەتۋگە بولادى. وندا ولار 2 كۇمىس جانە 3 قولا مەدال جەڭىپ الدى. ال استانادا وتكەن جاستار مەن جاس وسپىرىمدەر اراسىنداعى ازيا چەمپيوناتىندا جاس بوكسشىلارىمىز 15 التىن، 11 كۇمىس، 15 قولا جۇلدە ەنشىلەدى. بانگكوكتا وتكەن 22 جاسقا دەيىنگى ازيا بىرىنشىلىگىندە دە وتانداستارىمىز 5 التىن، 3 كۇمىس، 12 قولا مەدال يەلەندى. ەريەۆاندا وتكەن جاس وسپىرىمدەر اراسىنداعى الەم چەمپيوناتىندا 4 التىن جانە 6 قولا جۇلدە بۇيىردى.

قازاقستان بوكس فەدەراتسياسى جاتتىقتىرۋشىلار مەن تورەشىلەر سەمينارلارىن ءجيى ۇيىمداستىرىپ، وتاندىق مامانداردىڭ بىلىگىن جاڭا دەڭگەيگە كوتەرۋ ماقساتىندا ءىس اتقاردى. قازىرگى تاڭدا قازاقستاندىق 13 تورەشى IBA- نىڭ ەڭ جوعارعى 3 جۇلدىزدى كاتەگورياسىنا يە، جۋىق ارادا قاتارى تاعى ارتادى.

قازىرگى تاڭدا ق ب ف وسى جازدا پاريجدە وتەتىن وليمپيادا ويىندارىنا قىزۋ دايىندالۋدا. فەدەراتسيا باسشىلىعى ايتا كەتكەندەي، قازاقستاندىق بوكسشىلاردىڭ بولاشاق ىرگەتاسى بەرىك قالانعان.

تاشكەنتتە جەڭىپ العان بەس مەدال جاي جۇلدە ەمەس، بۇدان كەيىنگى جەڭىستەردىڭ پسيحولوگيالىق باستاۋى دا. ءبىزدىڭ بوكسشىلار وزدەرىنە ءارقاشان سەنىمدى، ولار الەمدە ۇزدىك دەپ مويىندالىپ تا ۇلگەرگەن جانە جاڭا جەتىستىك شىڭىن باعىندىرۋعا دايىن تۇرعاندار. سونىمەن قاتار بۇل جەڭىس ولارعا جانكۇيەرلەردىڭ، مەملەكەتتىڭ، مينيسترلىكتىڭ، حالىقارالىق قوعامداستىقتىڭ نازارىن جانە قولداۋىن ارتتىرادى، - دەيدى كەڭەس راقىشەۆ.

massaget.kz