ەكس-مينيستر قۋاندىق بيشىمبايەۆتىڭ ىسىنە قاتىستى ساراپتاما قاشان اياقتالادى؟

ەكس-مينيستر قۋاندىق بيشىمبايەۆتىڭ ىسىنە قاتىستى ساراپتاما قاشان اياقتالاتىنى ايتىلدى.

ادىلەت ءمينيسترى ازامات ەسقارايەۆتىڭ سوزىنشە، جالپى 12 ساراپتاما تاعايىندالعان.

«بىزگە ىشكى ىستەر مينيسترلىگىنەن ءتيىستى تاپسىرما ءتۇستى. ءبىز 11 ساراپتاما قورىتىندىسىن قۇقىق قورعاۋ ورگاندارىنا جىبەردىك. جاقىندا تاعى 12 ساراپتاما كەلىپ ءتۇستى جانە ءبىز ول بويىنشا ءتيىستى جۇمىس جۇرگىزىپ جاتىرمىز.

مەن بىردەن ايتايىن، زاڭناماعا سايكەس ساراپتاما 30 كۇنگە دەيىن جۇرگىزىلۋى مۇمكىن. بەلگىلەنگەن تارتىپپەن قالاي اياقتايمىز، ءى ءى م- گە جىبەرەمىز»، - دەيدى ەسقارايەۆ.

ەسكە سالايىق، بۇعان دەيىن ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ قۋاندىق بيشىمبايەۆقا قاتىستى ءىس سوتقا قاشان جىبەرىلەتىنىن ايتقان بولاتىن.

«ءىس كەلەر ۋاقىتتا ءبىتۋى كەرەك. ساراپتامانىڭ ءبارى دايىن بولعان سوڭ سوتقا جىبەرىلەدى. ول اقپاراتتىڭ ءبارى دايىن دەپ ايتا المايمىن. تەرگەۋ اياقتالىپ، ساراپتاما قورىتىندىسى شىققان سوڭ، ءىستى بىتىرگەن سوڭ قۇجاتتارمەن ەكى جاقتى دا تانىستىرۋ كەرەك. ول دا ۋاقىت الادى. سودان كەيىن سوتقا جىبەرىلەدى»، - دەدى مارات قوجايەۆ Tengrinews.kz تىلشىسىنە.