ەكس- شەنەۋنىك ەرلان قوجاعاپانوۆ بوستاندىققا شىقتى

ءى ءى م قىلمىستىق-اتقارۋ جۇيەسى كوميتەتى الەۋمەتتىك جەلىلەردە تاراعان اقپاراتقا قاتىستى پىكىر ءبىلدىردى.

ق ا ج ك مالىمەتىنشە، سوت شەشىمى نەگىزىندە قوجاعاپانوۆتىڭ جازاسىنىڭ وتەلمەگەن بولىگى ايىپپۇلمەن اۋىستىرىلعان.

«سونداي-اق، جازانى اۋىستىرۋ، شارتتى تۇردە مەرزىمىنەن بۇرىن بوساتۋ جانە ۇكىمنىڭ ورىندالۋىنا قاتىستى وزگە دە ماسەلەلەر بويىنشا ماتەريالداردى قاراۋ جانە شەشىم قابىلداۋ تەك سوت ورگاندارىنىڭ قۇزىرەتىنە جاتادى»، - دەدى كوميتەتتەگىلەر.

قوجاعاپانوۆقا قاتىستى ءىس

ايتا كەتەيىك، 2024-جىلعى ناۋرىزدا سىبايلاس جەمقورلىققا قارسى قىزمەت جاسىرىن تەرگەۋ ناتيجەسىندە بۇرىنعى مادەنيەت جانە سپورت ۆيتسە-ءمينيسترىن اۋىر سىبايلاس جەمقورلىق قىلمىسىن جاسادى دەگەن كۇدىكپەن ۇستاعانى بەلگىلى بولدى.

2025-جىلى بۇرىنعى مادەنيەت جانە سپورت ۆيتسە-ءمينيسترى ەرلان قوجاعاپانوۆقا قاتىستى ءىس سوتقا بەرىلدى. سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى دارحان قۇراقبايەۆتىڭ ايتۋىنشا، بۇل ءىس بويىنشا كەلتىرىلگەن شىعىن وزگەرىسسىز قالعان جانە 1 ميلليارد تەڭگەدەن اسادى.

ەرلان قوجاعاپانوۆ تۋرالى نە بەلگىلى؟

ەرلان قوجاعاپانوۆ 1968-جىلى الماتى وبلىسىندا دۇنيەگە كەلگەن.

1992-جىلى بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، اباي اتىنداعى الماتى مەملەكەتتىك ۋنيۆەرسيتەتىن، رەسەي كەدەن اكادەمياسىن بىتىرگەن.

ەڭبەك جولىن 1989-جىلى باستاعان.

1990-1994-جىلدارى كاسىپكەرلىكپەن اينالىستى.

1994-2007-جىلدارى مەملەكەتتىك ورگاندار مەن كاسىپورىنداردا جۇمىس ىستەدى.

2007-2013-جىلدارى استانا اكىمىنىڭ ورىنباسارى قىزمەتىن اتقاردى.

2013-2016-جىلدارى سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى، قازاقستان فۋتبول فەدەراتسياسىنىڭ پرەزيدەنتى بولىپ جۇمىس ىستەدى.

2016-جىلدىڭ جەلتوقسانىنان 2017-جىلدىڭ قاراشاسىنا دەيىن پرەمەر-ءمينيستردىڭ كەڭەسشىسى مىندەتىن اتقارۋشى، كەڭەسشىسى قىزمەتتەرىن اتقاردى.

2017-2020-جىلدارى - مادەنيەت جانە سپورت ۆيتسە-ءمينيسترى.

2020-2021-جىلدارى - الماتى اكىمىنىڭ ءبىرىنشى ورىنباسارى.

2021-جىلعى ساۋىردەن قىركۇيەككە دەيىن مادەنيەت جانە سپورت ۆيتسە-ءمينيسترى بولدى.

كەيىن ول پرەمەر-ءمينيستردىڭ كەڭەسشىسى قىزمەتىنە تاعايىندالدى.

سونداي-اق، ەرلان قوجاعاپانوۆ «استانا» فۋتبول كلۋبىنىڭ ديرەكتورلار كەڭەسىنىڭ ءتوراعاسى لاۋازىمىن اتقاردى.