كريپتوۆاليۋتانى ازىق-تۇلىك ساتىپ الۋعا مۇمكىندىك بەرەتىن cryptocity جوباسى ىسكە قوسىلماق
استانا. KAZINFORM — ەلىمىز cryptocity دەپ اتالاتىن جاڭا پيلوتتىق جوبانى جۇزەگە اسىرۋدى جوسپارلاپ وتىر. بۇل تۋرالى استانا حالىقارالىق فورۋمىندا مەملەكەت باسشىسى قاسىم-جومارت توقايەۆ ايتتى.
- ءبىز ادام كاپيتالىنا ينۆەستيتسيا سالىپ، جاس مامانداردىڭ قالىپتاسۋىنا جاعداي جاسايمىز. ەڭ باستى مىندەتىمىز - ايماقتار اراسىنداعى الشاقتىقتى ازايتۋ جانە ورتا تاپتى نىعايتۋ. سول سەبەپتى سيفرلىق تەحنولوگيا مەن جاساندى ينتەللەكتىدەن باستاپ جاسىل ەنەرگەتيكا مەن قوسىمشا قۇنى جوعارى وندىرىسكە دەيىنگى نەگىزگى سەكتورلارداعى الەۋەتىمىزدى كۇشەيتە بەرەمىز. ءبىز سيفرلىق ترانسفورماتسيادا ەلەۋلى تابىسقا قول جەتكىزدىك. ماقساتىمىز - ەۋرازياداعى جەتەكشى IT حابقا اينالۋ، - دەدى قاسىم-جومارت توقايەۆ.
پرەزيدەنت قازاقستان اسىرەسە، جاساندى ينتەللەكتىنى دامىتۋعا ايرىقشا ءمان بەرىپ وتىرعانىن باسا ايتتى.
- ءبىرقاتار شەتەلدىك ۋنيۆەرسيتەتتىڭ فيليالى بار، زەرتتەۋ مەن ازىرلەۋ سالاسىنداعى سەرىكتەستىك جولعا قويىلعان اكادەميالىق جانە يننوۆاتسيالىق حابقا اينالعىمىز كەلەدى. قازاقستان ەڭ قۋاتتى سۋپەركومپيۋتەردى ىسكە قوسۋعا كىرىستى. قازىردىڭ وزىندە بۇل جۇمىس باستالىپ كەتتى. بۇدان بولەك، cryptocity دەپ اتالاتىن جاڭا پيلوتتىق جوبانى جۇزەگە اسىرۋدى جوسپارلاپ وتىرمىز. مۇندا كريپتوۆاليۋتانى ازىق-تۇلىك ساتىپ الۋعا، قىزمەت تولەمىنە جانە باسقا دا ماقساتتاردا پايدالانۋعا جاعداي جاسالادى، - دەدى مەملەكەت باسشىسى.
ايتا كەتەيىك، ەلوردادا مەملەكەت باسشىسى قاسىم-جومارت توقايەۆتىڭ قاتىسۋىمەن استانا حالىقارالىق فورۋمى ءوتىپ جاتىر.
فورۋمعا 7000 نان استام قاتىسۋشى تىركەلگەن. ەۋروپا، ورتالىق ازيا، تاياۋ شىعىس پەن افريكا ەلىنەن ب ۇ ۇ، ا ا ۇ، ح ك ۇ جانە د ز م ۇ سياقتى جەتەكشى حالىقارالىق ۇيىمداردىڭ اتىنان 160 تان استام سپيكەر شاقىرىلعان. ەكى كۇن بويى ولار ءتۇرلى سالانىڭ ساراپشىلارىمەن بىرلەسىپ، مەملەكەتارالىق ىنتىماقتاستىق مودەلىن، جاڭا جاھاندىق ارىپتەستىك قۇرۋدىڭ كەلەشەگىن تالقىلايدى.
ايتا كەتەيىك، ەلوردادا مەملەكەت باسشىسى قاسىم-جومارت توقايەۆتىڭ قاتىسۋىمەن استانا حالىقارالىق فورۋمى ءوتىپ جاتىر.
فورۋمعا 7000 نان استام قاتىسۋشى تىركەلگەن. ەۋروپا، ورتالىق ازيا، تاياۋ شىعىس پەن افريكا ەلىنەن ب ۇ ۇ، ا ا ۇ، ح ك ۇ جانە د ز م ۇ سياقتى جەتەكشى حالىقارالىق ۇيىمداردىڭ اتىنان 160 تان استام سپيكەر شاقىرىلعان. ەكى كۇن بويى ولار ءتۇرلى سالانىڭ ساراپشىلارىمەن بىرلەسىپ، مەملەكەتارالىق ىنتىماقتاستىق مودەلىن، جاڭا جاھاندىق ارىپتەستىك قۇرۋدىڭ كەلەشەگىن تالقىلايدى.
