كريشتيانۋ رونالدۋدان كريپتو بيرجاسىن جارنامالاعانى ءۇشىن 1 ميلليارد دوللار تالاپ ەتىلدى
ءبىر توپ ينۆەستور فۋتبولشى كريشتيانۋ رونالدۋعا قارسى سوتقا شاعىم ءتۇسىرىپ، الەمدەگى ەڭ ءىرى Binance كريپتو بيرجاسىن جارنامالاعانى ءۇشىن 1 ميلليارد دوللاردان استام وتەماقى تولەۋدى تالاپ ەتتى. Kazinform بۇل تۋرالى BBC-گە سىلتەمە جاساپ حابارلايدى.
ينۆەستورلار Binance-پەن بايلانىستى NFT-توكەندەرىنىڭ جيناعىن جارنامالاعان رونالدۋ ولاردى شىعىنعا باتىراتىن ينۆەستيسياعا يتەرمەلەدى دەپ سەندىرەدى.
BBC تۇسىنىكتەمە الۋ ءۇشىن رونالدۋ پەن Binance كريپتوۆاليۋتا بيرجاسىنا حابارلاسىپ، جاۋاپ كۇتىپ وتىر.
2022 -جىلدىڭ قاراشاسىندا Binance رونالدۋدىڭ ۆيرتۋالدى مۇسىنشەلەرى بولعان NFT- توكەندەرىنىڭ (بلوكچەين تەحنولوگياسى ارقىلى جاسالعان سيفرلىق ونەر تۋىندىلارى) العاشقى توپتاماسىن ساتا باستادى.
فۋتبولشى وسىلايشا جانكۇيەرلەرىنە «كوپ جىلدار بويى قولداۋ كورسەتكەنى ءۇشىن» العىس بىلدىرگىسى كەلەتىنىن ايتتى.
رونالدۋ سونىمەن قاتار توكەندى ساتىپ الۋشىلارعا بۇل شىعارىلىم «NFT الەمىن وزگەرتىپ، فۋتبولدى كەلەسى دەڭگەيگە كوتەرەدى» دەپ ۋادە بەردى.
الايدا 2022 -جىلدىڭ قاراشاسىندا 77 دوللارعا ساتىلعان رونالدۋ توپتاماسىنداعى ەڭ ارزان NFT- توكەن ءبىر جىلدان كەيىن بار بولعانى 1 دوللارعا باعالاندى.
