كريشتيانۋ رونالدۋ «ءال- ناسرمەن» كەلىسىمشارتتى 2026 - جىلعا دەيىن ۇزارتادى
استانا. KAZINFORM - «التىن دوپتىڭ» بەس دۇركىن يەگەرى، پورتۋگاليالىق شابۋىلشى كريشتيانۋ رونالدۋ ساۋد ارابياسىنىڭ «ءال- ناسر» فۋتبول كلۋبىمەن كەلىسىمشارتىن ۇزارتادى. بۇل تۋرالى پورتۋگاليالىق A Bola گازەتى حابارلادى، دەپ جازادى Report.

دەرەككوزدىڭ ايتۋىنشا، كەلىسىم 2026 -جىلدىڭ ماۋسىمىنا دەيىن جالعاسادى. رونالدۋدىڭ «ءال- ناسرمەن» قازىرگى كەلىسىمشارتى 2025 -جىلدىڭ ماۋسىمىندا اياقتالادى.
رونالدۋ 39 جاستا، ول 2023 -جىلدان بەرى «ءال- ناسر» قۇرامىندا وينايدى. وسى ماۋسىمدا پورتۋگاليالىق فۋتبولشى كلۋب ساپىندا 20 ماتچ وتكىزىپ، 17 گول سوعىپ، 3 ناتيجەلى پاس بەردى.
رونالدۋ-چەمپيوندار ليگاسىنىڭ بەس دۇركىن جەڭىمپازى، ەۋروپا چەمپيونى، ۇلتتار ليگاسىنىڭ جەڭىمپازى، ۇلتتىق قۇرامالار، ەۋروپا چەمپيوناتتارى، چەمپيوندار ليگاسى، كلۋبتار اراسىنداعى الەم چەمپيوناتتارى تاريحىنداعى ۇزدىك بومباردير. رونالدۋ رەسمي ماتچتاردا 900 دەن اسا گول سوققان العاشقى فۋتبولشى بولدى. پورتۋگاليالىق شابۋىلشى بەس رەت «التىن دوپ» يەگەرى اتانعان.
ايتا كەتەيىك، بۇعان دەيىن رونالدۋ دۋبل جاساپ، 915- گولىن سوققانى جانە الەمدىك رەكورد ورناتقانى تۋرالى جازعان بولاتىنبىز.
سونداي- اق، رونالدۋ «ءال- ناسر» كلۋبىنا زيداندى باس باپكەر ەتۋدى سۇرادى.