كريشتيانۋ رونالدۋ تاشكەنتكە كەلەدى
استانا.قازاقپارات - تاشكەنتتىڭ «پاحتاكور» فۋتبول كلۋبى ازيانىڭ ەليتالىق چەمپيوندار ليگاسىنىڭ 2026/27 -جىلعى ماۋسىمىنداعى توپتىق كەزەڭىندە ساۋد ارابياسىنىڭ «ال- ناسر» كومانداسىمەن وينايدى. بۇل تۋرالى وزبەكستاندىق ۇجىمنىڭ باسپا ءسوز قىزمەتى حابارلادى.
ەكى ۇجىم اراسىنداعى ويىن 2-قاراشا كۇنگە جوسپارلانعان.
جەرەبە قورىتىندىسى بويىنشا «پاحتاكور» ءوز الاڭىندا تاشكەنتتە تاجىكستاندىق «يستيكلول»، ساۋديالىق «ال- ناسر»، يراندىق «تراكتور» جانە «ال- كاديسيا» كلۋبتارىن قابىلدايدى.
ال سىرت الاڭدا وزبەكستاندىق ۇجىم «ال- احلي»، «ەير فورس»، «ال- حيليال» جانە «ال- يتتيحاد سەكىلدى ازيانىڭ ازۋلى كوماندالارىنا قوناققا بارادى.
«ال- ناسر» - ەر-رياد قالاسىندا ورنالاسقان ساۋد ارابياسىنىڭ ەڭ تانىمال ءارى جۇلدەلى كلۋبتارىنىڭ ءبىرى. كوماندا بىرنەشە مارتە ۇلتتىق چەمپيوناتتىڭ جەڭىمپازى اتانعان.
حالىقارالىق ارەنادا دا جەتىستىكتەرى از ەمەس: 1998-جىلى ازيا كۋبوك يەلەرى كۋبوگى مەن ازيا سۋپەركۋبوگىن جەڭىپ السا، 2023-جىلى اراب چەمپيوندارى كۋبوگىن ەنشىلەدى.
2022-جىلى ساۋديالىق كلۋبقا الەم فۋتبولىنىڭ اڭىز شابۋىلشىسى كريشتيانۋ رونالدۋ اۋىسقان بولاتىن.
جاقىندا پورتۋگاليالىق فۋتبولشى ءوزىنىڭ سۇيىكتىسى دجوردجينا رودريگەسپەن رەسمي تۇردە شاڭىراق كوتەردى.
