كروكۋستاعى لاڭكەستىك ارەكەتتەن قازا تاپقان بالالار سانى التىعا جەتتى

استانا. KAZINFORM - كروكۋستاعى قايعىلى وقيعادان التى بالا قازا تاپتى. زارداپ شەككەندەردىڭ بەسەۋى ءالى اۋرۋحانادا، ەكەۋىنىڭ جاعدايى اۋىر.

بۇل تۋرالى ر ف پرەزيدەنتى جانىنداعى بالا قۇقىقتارى جونىندەگى ۋاكىل ماريا لۆوۆا- بەلوۆا جۋرناليستەرگە بەرگەن سۇحباتىندا ءمالىم ەتتى، دەپ جازادى رەسەلىك ت ا س س.

بۇعان دەيىن بەس بالانىڭ قازا تاپقانى ايتىلعان ەدى.

«قازىر بىزگە التى بالانىڭ قازا تاپقانى بەلگىلى بولدى، جەتەۋى جاراقات العان. ەكەۋى ۇيدە ەمدەلىپ جاتىر، بەسەۋى اۋرۋحانادا. ولاردىڭ ەكەۋىنىڭ جاعدايى اۋىر، ۇشەۋىنىڭ جاعدايى ورتاشا اۋىر. مەن ولارعا باردىم. اۋرۋحانالاردىڭ باس دارىگەرلەرىمەن ۇنەمى بايلانىستامىن، بالالار بارلىق قاجەتتى زاتتارمەن قامتاماسىز ەتىلگەن، دارىگەرلەر ولاردىڭ وڭالىپ كەلە جاتقانىن ايتتى»،- دەدى ول.

ەسكە سالا كەتسەك، 22-ناۋرىز كۇنى ماسكەۋدىڭ سولتۇستىك- باتىسىنداعى «Crocus City Hall» كونسەرت زالىندا اتىس بولىپ، كامۋفلياج كيگەن ادامدار وق جاۋدىرعان ەدى. وقيعا سالدارىنان 150 دەن استام ادام جاراقات الىپ، 100 دەن استام ادام مەرت بولدى.