كەرەكۋدە ەگىس دالاسىندا كارتوپ ەگىپ جۇرگەن 9 شەتەل ازاماتى ۇستالدى

پاۆلودار. KAZINFORM - ۇستالعاندار وزبەكستان ەلىنىڭ ازاماتتارى. ولار قازاقستان اۋماعىندا ءتيىستى قۇجاتسىز جۇمىس ىستەپ كەلگەن.

Астана
فوتو: Polisia.kz

زاڭسىز ميگرانتتار اقسۋ قالاسى اۋىلدىق ايماعىنداعى شارۋاشىلىقتىڭ ەگىس دالاسىندا كارتوپ ەگۋمەن شۇعىلدانعان.

«سۋارمالى القاپتاردى تەكسەرۋ كەزىندە ءتيىستى قۇجاتتارسىز جۇمىس ىستەگەن وزبەكستان رەسپۋبليكاسىنىڭ 9 ازاماتى انىقتالدى. زاڭنامانى بۇزعانى ءۇشىن شەتەلدىكتەر اكىمشىلىك جاۋاپكەرشىلىككە تارتىلدى. ماتەريال سوتتا قارالىپ، سوت شەشىمىمەن بارلىعى ەل اۋماعىنان شىعارىلدى»، - دەپ حابارلادى اقسۋ قالاسى پوليتسيا ءبولىمىنىڭ باستىعى دۋلات توكەنوۆ.

شەتەلدىك ازاماتتاردى شارۋاعا تارتقان، ءبىراق ولاردىڭ ەل اۋماعىندا بولۋىن زاڭداستىرۋعا ۇلگەرمەگەن جۇمىس بەرۋشى دە جازاسىز قالمادى. وعان 30 ايلىق ەسەپتىك كورسەتكىش مولشەرىندە ايىپپۇل سالىندى.

ايتىپ وتەيىك، قازاقستانعا كەلگەن شەتەلدىك ميگرانتتار كوبىندە قۇرىلىس سالاسىندا جۇمىس ىستەيدى.

اۆتور
مۇرات اياعان

سوڭعى جاڭالىقتار