كرەشەنيە ءراسىمى: مامان سۋعا تۇسكەندە قانداي ەرەجەلەردى ساقتاۋ قاجەت ەكەنىن ءتۇسىندىردى
استانا. KAZINFORM - استانا قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى مۇحامعالي ارىسپايەۆ كرەشەنيە ءدىني مەرەكەسىنە بايلانىستى جاپپاي شومىلۋ كەزىندەگى قاۋىپسىزدىك شارالارى تۋرالى ايتتى.

- جىل سايىن 19- قاڭتاردا كوپتەگەن سەنۋشىلەر «كرەشەنيە گوسپودنيا» ءدىني مەرەكەسىن اتاپ وتەدى. بۇل كۇنى سۋدىڭ ەمدىك قاسيەتتەرى بار جانە بۇل قاسيەتتەردى جىل بويى ساقتايدى دەپ سانالادى. قالادا جاپپاي شومىلۋعا ارنالعان ويىقتار ەسىل وزەنىنىڭ سول جاق جاعالاۋىندا، استانالىق ساياباعىنىڭ جاعالاۋ اۋدانىندا جانە قالالىق جاعاجايدىڭ اۋدانىندا ورناتىلادى. شومىلۋ ورىندارىندا بارلىق قاۋىپسىزدىك ەرەجەلەرىن ەسكەرە وتىرىپ جابدىقتالادى، ال شومىلۋ ورنىندا ت ج م، پ د جانە جەدەل مەديتسينالىق جاردەم بريگاداسى قىزمەتكەرلەرىنىڭ كەزەكشىلىكتەرى ۇيىمداستىرىلادى. استانا قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتىمەن سانيتارلىق- ەپيدەميولوگيالىق مونيتورينگ شەڭبەرىندە ەسىل وزەنىنىڭ سۋ ساپاسىنا زەرتحانالىق زەرتتەۋلەرگە سۋ سىناماسىن الۋ جۇرگىزىلەدى. سونداي- اق، ءىس- شارالار وتكىزىلەتىن ورىنداردا جانە قاتىسۋشىلاردىڭ تاماقتانۋ پۋنكتتەرىندە باقىلاۋ جۇزەگە اسىرىلادى، - دەيدى مامان.
ول سۋ ورىندارىنا شومىلۋ دەنساۋلىققا پايدالى بولۋى ءۇشىن شومىلۋشىلارعا بەلگىلى ءبىر ساقتىق شارالارىن ساقتاۋ قاجەت ەكەنىن اتاپ ءوتتى.
· تىيىم سالىنادى:
· ادامداردا سوزىلمالى اۋرۋلار بولعان كەزدە شومىلۋ (جۇرەك- تامىر جانە تىنىس الۋ جۇيەسىنىڭ اۋرۋلارى، قانت ديابەتى جانە ت. ب. اۋرۋلار)؛
· بالالارعا شومىلۋ ۇسىنىلمايدى؛
· شومىلۋ ورىندارىمەن جابدىقتالماعان، بەلگىلەنبەگەن جەرلەردە شومىلۋعا؛
· ۇسىنىلادى:
· كرەشەنيە مەرەكەسىندە شومىلۋ الدىندا دارىگەر كەڭەسىن الۋ قاجەت؛
· شومىلعاننان كەيىن سۇلگىمەن ءسۇرتىنۋ جانە كيىم اۋىستىرۋ قاجەت؛
· شومىلعاننان كەيىن ىستىق شاي ءىشۋ كەرەك.