كرەديتتىك امنيستياعا ىلىككەن ازاماتتار قايتادان قارىزعا باتىپ جاتىر

 استانا. KAZINFORM - 2019 -جىلى كرەديتتىك امنيستياعا ىلىككەن ازاماتتار قايتادان قارىزعا باتىپ جاتىر. بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ايتتى.

«2019 -جىلى كرەديتتىك امنيستياعا قاتىسقان زاەمشىلەرگە قاتىستى احۋالعا ساراپتاما جاسادىق. وكىنىشكە قاراي، ولار قايتادان قارىزعا باتىپ وتىر. ءتىپتى ولاردىڭ كەيبىرىندە پروبلەمالى كرەديت تە بار. سوندىقتان دا بۇل ەڭ الدىمەن ازاماتتاردىڭ تولەم قابىلەتتەرىن دۇرىس باعالاۋ ماسەلەسىنە قاتىستى»، - دەدى ءمادينا ءابىلقاسىموۆا ءماجىلىستىڭ جالپى وتىرىسىنان كەيىن ءتىلشى ساۋالىنا وراي.

سونىمەن قاتار اگەنتتىك ءتوراعاسى الداعى ۋاقىتتا قارجىلىق ۇيىمدار الدىندا قارىزعا باتقان ازاماتتارعا تاعى دا كرەديتتىك امنيستيا بەرىلمەيتىنىن باسا ايتتى. قازاقستاندا 2019 -جىلى مۇنداي ءىس- شارا قولدانىلدى. حالىقتىڭ از قامتىلعان ساناتتارىنىڭ قارىزدارى كەشىرىلىپ، 500 مىڭنان استام ازاماتتىڭ شامامەن 115 ميلليارد تەڭگە قارىزى ەسەپتەن شىعارىلدى. سونىمەن قاتار 1,2 ميلليون ازاماتتىڭ شامامەن 33,6 ميلليارد تەڭگە سوماسىنداعى ايىپپۇلدارى مەن ءوسىمپۇلى وتەلدى.

مارلان جيەمباي