16:14, 25 - ءساۋىر 2024 | GMT +5
ۋكرايندىق قىز گيننەستىڭ رەكوردتار كىتابىنا ەندى
استانا. KAZINFORM - ۋكرايندىق اليا ناسىروۆا جەر باسىپ جۇرگەن ايەلدەر اراسىنداعى ەڭ ۇزىن شاشتىڭ يەسى رەتىندە گيننەستىڭ رەكوردتار كىتابىنا ەندى.
بۇل تۋرالى كىتاپتىڭ سايتىندا حابارلاندى. بويى 165 سانتيمەتر بولاتىن قىزدىڭ شاش ۇزىندىعى 257,33 سانتيمەتر ەكەن.
اليا يتالياندىق «Lo Show dei Record» باعدارلاماسىنىڭ ەفيرىندە كوپشىلىككە تانىستىرىلدى. وندا ول بالا كەزدەن شاشىنىڭ تەك ۇشتارىن عانا كەسكەنىن ايتتى.
اليا قازىر سلوۆاكيادا تۇرادى. ول سۋرەتشى جانە گرافيكالىق يلليۋستراتور، سونىمەن قاتار مودەل بولىپ جۇمىس ىستەيدى. سونىمەن قاتار YouTube ارناسىندا بلوگ جۇرگىزەدى.
