ۋكراينا مەن ە ق ى ۇ بالالاردى دەپورتاتسيالاۋ ماسەلەسىن تالقىلادى
استانا. KAZINFORM - ۋكراينا سىرتقى ىستەر ءمينيسترى اندرەي سيبيگا ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەياسىنىڭ دەلەگاتسياسىمەن كەزدەستى. بۇل تۋرالى ANEWZ اگەنتتىگى جازدى.
بۇل ە ق ى ۇ پرەزيدەنتى پەر جوان پونستىڭ ۋكرايناعا العاشقى ساپارى.
كەزدەسۋ بارىسىندا سيبيگا ە ق ى ۇ-نىڭ پرينتسيپتى ۇستانىمىن جانە ۋكراينانىڭ ەگەمەندىگى مەن اۋماقتىق تۇتاستىعىن باتىل قولداۋىن جوعارى باعالادى. ول سونداي-اق دەلەگاتسيانى ۇرىس دالاسىنداعى جاعدايمەن جانە رەسەيدىڭ ۋكراينا ەنەرگەتيكالىق ينفراقۇرىلىمىنا شابۋىلىنىڭ كۇشەيۋى تۋرالى حاباردار ەتتى.
جيىندا تاراپتار رەسەيدىڭ ۋكرايناعا قارسى سوعىسىن ايماقتاعى قاۋىپسىزدىككە ەڭ ۇلكەن قاتەر ەكەنىن ايتا وتىرىپ، ە ق ى ۇ-نىڭ پارلامەنتتىك ولشەمىن نىعايتۋ ماسەلەلەرىن تالقىلادى.
سونداي-اق ۋكراينا دەلەگاتسياسى رەسەيگە دەپورتاتسيالانعان ۋكراينالىق بالالاردى قايتارۋ ماسەلەسىن قوزعادى. وعان قوسا، پارلامەنتتىك اسسامبلەيانىڭ ۋكراينالىق بالالاردى قايتارۋ جونىندەگى حالىقارالىق كواليتسياعا قوسىلۋ مۇمكىندىگىن قاراستىردى.
