ۋكراينا مەن ا ق ش كەلىسىمگە كەلدى. سوعىس توقتاي ما؟

ۆاشينگتون قاتاڭ تالاپتاردان باس تارتقاننان كەيىن ۋكراينا مەن ا ق ش پايدالى قازبا تۋرالى كەلىسىمگە كەلدى دەپ جازدى Alash.KZ سايتى Financial Times پورتالىنا سۇيەنىپ.

بۇل جونىندە «ۋكراينسكايا پراۆدا» باسىلىمى دا جازدى.

كەلىسىم ا ق ش-تىڭ ۋكراينا قاۋىپسىزدىگى ماسەلەسى بويىنشا ۇزاقمەرزىمدى مىندەتتەمە الۋىنا جول اشادى جانە سوعىستى توقتاتۋ ستراتەگياسىنىڭ ءبىر بولىگى بولماق دەپ جازدى ب ا ق.

بۇعان دەيىن ۋكراينانىڭ قۇجاتتىڭ العاشقى نۇسقاسىنان باس تارتۋى كيەۆ پەن ۆاشينگتون اراسىنداعى قارىم-قاتىناستى ناشارلاتقانى حابارلانعان ەدى.

قۇجاتقا ۋكراينانىڭ سىرتقى ىستەر ءمينيسترى اندرەي سيبيگا جانە ا ق ش مەملەكەتتىك حاتشىسى ماركو رۋبيو قول قويادى. قۇجاتقا سايكەس، ا ق ش پەن ۋكراينا ينۆەستيتسيالىق قايتا قۇرۋ قورىن اشپاق.