كۇنى بويى سەرگەك ءجۇرۋ ءۇشىن قانداي تاڭعى اس ىشكەن ءجون؟
كۇنى بويى سەرگەك ءجۇرۋ ءۇشىن تاڭعى اسقا اقۋىز بەن كومىرسۋعا باي تاعام ىشكەن دۇرىس. بۇل تۋرالى ەندوكرينولوگ، پروفەسسور زۋحرا پاۆلوۆا جاقىندا جۇرگىزىلگەن زەرتتەۋ نەگىزىندە ايتتى، - دەپ حابارلايدى lenta.ru.

«تۇستەن كەيىن سەرگەك ءجۇرۋ ءۇشىن تاڭعى اسقا نە جەۋ كەرەك؟ عالىمدار اقۋىز، كۇردەلى كومىرسۋ جانە كوفە ەكەنىن ايتادى. ءبىراق ءبىر نارسەنى ەسكەرى قاجەت»، - دەيدى پاۆلوۆا.
ول كوفە تەك ءتورت ساعاتقا قۋات بەرەتىنىن ءتۇسىندىردى. سودان كەيىن بۇل سۋسىندى ىشكەندەرگە كوفەيننىڭ جاڭا زاريادى نەمەسە سەرگۋ ءۇشىن سەرۋەندەۋ قاجەت. ەندوكرينولوگتىڭ ايتۋىنشا، كومىرسۋلاردىڭ اسەرى ودان دا قىسقا مەرزىمدى، ولار ءبىر ساعاتقا عانا جەتەدى.
سونىمەن قاتار، ساراپشى تاڭعى اسقا اقۋىزعا باي تاعامدار جەيتىن ادامدار كۇنى بويى سەرگەك جۇرەتىنىن ايتادى. بۇل اقۋىزدىڭ مي جۇمىسىن جاقسارتاتىنىنا جانە قانداعى قانت دەڭگەيىن تۇراقتاندىرۋعا كومەكتەسەتىنىنە بايلانىستى ەكەن.
«تاڭعى استى ەڭ ماڭىزدى تاعام دەپ سانايمىن. ول تەڭەستىرىلگەن بولسا، تۇسكى جانە كەشكى اس كەزىندە دەنەگە از ەنەرگيا قاجەت بولادى. كوفەگە كەلەتىن بولساق، ونى تاڭعى استان سوڭ ءبىر ساعاتتان كەيىن ءىشۋ كەرەك، ال اش قارىنعا مۇلدەم ىشۋگە بولمايدى»، - دەپ تۇيىندەدى دارىگەر.