كۇنى بويى سەرگەك ءجۇرۋ ءۇشىن نە ىستەۋ كەرەك؟

اعزانى ەنەرگەتيكالىق سۋسىندارسىز دا قۋاتتاندىرۋعا بولادى. كۇنى بويى سەرگەك ءجۇرۋ ءۇشىن نە ىستەۋ كەرەك؟ 

قوزعالىڭىز
جاتتىعۋ جاساۋ - كوفەينسىز اعزانى قۋاتتاندىرۋدىڭ وتە ءتيىمدى ءادىسى. جاتتىعۋ جاساۋعا نەمەسە ءتىپتى جىلدام ءجۇرۋ ارقىلى سەرۋەندەۋگە بولادى. جاتتىعۋ جاسۋشالاردى ەنەرگيامەن قامتاماسىز ەتەدى. ول سونداي- اق ەندورفيندەردىڭ جانە زەيىن قويۋدى ارتتىراتىن نورادرەنالين دەپ اتالاتىن حيميالىق زاتتىڭ بولىنۋىنە ىقپال ەتەدى.

ەنەرگيانى ارتتىراتىن تاعامدار جەڭىز
دۇرىس تاماقتانۋ ءسىزدىڭ ەنەرگيا دەڭگەيىڭىزدىڭ كۇنى بويى تۇراقتى بولىپ ساقتالۋىنا كومەكتەسەدى. قانت باياۋ سىڭەتىن گليكەميالىق يندەكسى تومەن تاعامدار، ادەتتە، تەز سىڭەتىن قانتتاردى نەمەسە تازارتىلعان كراحمالدى جەگەننەن كەيىن پايدا بولاتىن ەنەرگيانىڭ ساقتالۋىن بولدىرماۋعا كومەكتەسەدى. گليكەميالىق يندەكسى تومەن تاعامدارعا ءداندى داقىلدار، تالشىقتارى جوعارى كوكونىستەر، جاڭعاقتار جانە ءزايتۇن مايى سياقتى پايدالى مايلار كىرەدى. ال كومىرسۋلارعا باي تاعامداردىڭ گليكەميالىق يندەكسى جوعارى بولىپ كەلەدى. اقۋىزدار مەن مايلاردىڭ گليكەميالىق يندەكسى نولگە جاقىن.

پايدالى تىسكەباسارلار جەڭىز
پايدالى تىسكەباسارلار ارقىلى ەنەرگيا دەڭگەيىڭىزدى تۇراقتى ەتىپ ۇستاي الاسىز. كوفەنىڭ ورنىنا جەمىستەر، جاڭعاقتار نەمەسە گرەك يوگۋرتى سياقتى پايدالى تاعامدار جەۋگە تىرىسىڭىز.

سۋ ءىشۋ رەجيمىن ساقتاڭىز
سۋ شارشاۋمەن كۇرەسۋگە كومەكتەسەدى. ەگەر اعزاڭىزعا سۇيىقتىق جەتىسپەسە، ۇيقىشىلدىق پەن شارشاڭقىلىق سەزىمى پايدا بولادى. سوندىقتان سۋدى جەتكىلىكتى مولشەردە ءىشۋ ماڭىزدى.

ۇيقى رەجيمىن ساقتاڭىز
ساپالى ۇيقى كوفەينسىز سەرگەك جۇرۋگە كومەكتەسەدى. كوبىرەك قۋات الۋ ءۇشىن جەتكىلىكتى ۇيىقتاۋ كەرەك.

الكوگولدەن اۋلاق بولىڭىز
الكوگول ءىشۋ ەنەرگيا دەڭگەيىنە تەرىس اسەر ەتەدى. ۇنەمى سەرگەك ءجۇرۋ ءۇشىن مۇنداي سۋسىنداردان اۋلاق بولىڭىز.

تىنىس الۋ تەحنيكاسىن ۇيرەنىڭىز
تىنىس الۋ جاتتىعۋلارى ەنەرگيانى ارتتىرۋعا كومەكتەسەدى. "ەكى ەسە تىنىس الۋ" ءادىسى سيمپاتيكالىق جۇيكە جۇيەسىن قوزدىرادى. ول ءۇشىن جىلدام قىسقا تىنىس الىپ، ۇزاق تىنىس شىعارۋ كەرەك. مۇنى الدىمەن مۇرىن ارقىلى، سودان سوڭ اۋىزبەن ىستەڭىز. قىسقا ۇزىلىستەر جاساپ، بەس رەت قايتالاڭىز.

Massaget.kz