كەنەتتەن مەرت بولعان پارا تاەكۆوندوشى نىشان ءومىرالىنىڭ وتباسىنا تولەماقى بەرىلۋى مۇمكىن

استانا. KAZINFORM — مارقۇم نىشان ءومىرالى وتكەن جىلى پاريجدە پارا تاەكۆوندودان ەل نامىسىن قورعاعان ەدى.

— باس تارتقان جوق (تولەماقى-اۆتور). ءبىز بۇل ماسەلەنى قاراستىرامىز، سۇراق ءالى شەشىلگەن جوق، - دەپ قىسقا قايىردى تۋريزم جانە سپورت ءمينيسترى ەربول مىرزابوسىنوۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.

ايتا كەتسەك، نىشان ءومىرالى پارا تاەكۆوندودان ەكى دۇركىن الەم چەمپيونى (ماسكەۋ، 2014، لوندون، 2017)، ازيا چەمپيوناتىنىڭ كۇمىس جۇلدەگەرى (حوشيمين-2022)، پارا ازيا ويىندارىنىڭ كۇمىس جۇلدەگەرى (حاڭجوۋ-2023)، سونداي-اق ەكى دۇركىن پاراليمپيادا ويىندارىنىڭ قاتىسۋشىسى.

ەسكە سالا كەتەيىك، جەرلەسىمىز پارا تاەكۆوندودان ەكى دۇركىن الەم چەمپيونى نىشان ءومىرالى بىلتىر كۇزدە قايتىس بولدى.

ول وتكەن جىلى پاريج وليمپياداسىندا پارا تاەكۆوندودان شيرەك فينالعا جولداما العان ەدى.