كەنتاۋ مەن تۇركىستاندى بايلانىستىراتىن جاڭا جول پايدالانۋعا بەرىلدى

اتالعان جول - جامبىل وبلىسى جانە سوزاق اۋدانى مەن كەنتاۋ قالالارىن وبلىس ورتالىعى تۇركىستان قالاسىمەن جالعايدى. سونداي- اق كەنتاۋ قالاسىنان تۇركىستان حالىقارالىق اۋەجايىنا تىكەلەي بارۋعا مۇمكىندىك بار.

جوباعا سايكەس جولدىڭ 26 شاقىرىمىنا اسفالت جابىندىسى تولىق توسەلگەن. ۇزىندىعى 100 مەتر كوپىر قايتا جوندەۋدەن ءوتىپ، 4 جەرگە مال وتكەلى مەن 27 جەردەن سۋ وتكىزگىش قۇبىرلار سالىنعان.

جولدا قاۋىپسىزدىكتى قامتاماسىز ەتۋ ماقساتىندا 331 دانا جارىقشام ورناتىلعان. سونىمەن قاتار 6 ايالداما جانە ەلدى مەكەن اتاۋلارى، ءتيىستى جول بەلگىلەرى مەن جول تاڭبالارى سىزىلعان.

قازىرگى تاڭدا جول پايدالانۋعا بەرىلگەننەن باستاپ تۇركىستان قالاسى مەن كەنتاۋ قالاسى اراسىنداعى كولىك كەپتەلىسى ەداۋىر ازايىپ وتىر.