كۇندە 20000 قادام جۇرسەڭىز، نە بولادى؟

 زاماناۋي تەحنولوگيا دامىعان زاماندا كوپ ادام ءبىر ورىندا وتىرىپ جۇمىس ىستەيدى. كوپتەگەن مەديتسينالىق زەرتتەۋلەر فيزيكالىق بەلسەندىلىكتىڭ ادام دەنساۋلىعىنا پايداسىن دالەلدەدى. 

 

ەگەر جاتتىعۋ زالىنا بارۋعا ۋاقىت نەمەسە مۇمكىندىك بولماسا، قاراپايىم ءجۇرۋدىڭ پايداسى جايلى بىلە ءجۇرىڭىز. كۇندە 20000 قادام جاساۋ ادام دەنساۋلىعىنا جانە ونىڭ فيزيكالىق فورماسىنا قالاي اسەر ەتەدى؟

جۇرەك-قان تامىرلار اۋرۋىنىڭ قاۋپى ازايادى

كۇندە 20000 قادام جاساۋ جۇرەك پەن قان تامىرلار جۇمىسىن جاقسارتۋعا، ارتەريالىق قىسىمدى جانە قانداعى حولەستەرين دەڭگەيىن تۇسىرۋگە ىقپال ەتەدى.

ارىقتاۋعا جانە سالماقتى باقىلاۋدا ۇستاۋعا كومەكتەسەدى

ءجۇرۋ - كالوريا جاعۋدىڭ كەرەمەت ءادىسى. ەگەر كۇندە 20000 قادام جاساساڭىز، ول كالوريا جەتىسپەۋشىلىگىن تۋدىرۋى مۇمكىن. ال ول ارتىق سالماقتان ارىلۋعا ىقپال ەتەدى. الايدا ارىقتاۋ تيىمدىلىگى ءسىزدىڭ تاعامدىق ادەتتەرىڭىزگە دە بايلانىستى.

بۇلشىقەتتەر تونۋسى جاقسارادى

ءجۇرۋ اياقتى، جامباستى قاتايتادى جانە بۇلشىقەتتەر تونۋسىن ارتتىرادى.

ەنەرگيا ارتادى جانە كوڭىل كۇي جاقسارادى

فيزيكالىق بەلسەندىلىك، سونىڭ ىشىندە ءجۇرۋ دە باقىت گورمونى - ەندورفيندەردىڭ بولىنۋىنە ىقپال ەتەدى. ول كۇنى بويى جاقسى كوڭىل كۇيدە جانە ەنەرگياعا تولى جۇرۋگە كومەكتەسەدى.

جالپى دەنساۋلىق جاقسارادى

جۇيەلى تۇردە ءجۇرۋ جالپى دەنساۋلىعىڭىزدىڭ جاقسارۋىنا جانە ءومىر ءسۇرۋ ۇزاقتىعىنىڭ ارتۋىنا ىقپال ەتەدى. ول ءتۇرلى سوزىلمالى اۋرۋلاردىڭ دامۋ قاۋپىن ازايتادى.

ونىمدىلىكتى ارتتىرادى جانە زەيىن قويۋدى جاقسارتادى

ول كوگنيتيۆتى قىزمەتتەرىڭىزدى جاقسارتادى. زەيىن قويۋىڭىز، ەستە ساقتاۋىڭىز جانە جۇمىسقا دەگەن ونىمدىلىگىڭىز جاقسارادى.

كۇندە 20000 قادام ءجۇرۋ مىندەتتى مە؟

كۇندە 20000 قادام جاساۋ مىندەتتى ەمەس. ءتىپتى، بۇل كوپشىلىك ادام ءۇشىن كوپ بولۋى مۇمكىن. ول ادامنىڭ جەكە فيزيكالىق قابىلەتتەرىنە بايلانىستى. باستىسى، فيزيكالىق بەلسەندىلىك جۇيەلى تۇردە بولۋى كەرەك جانە ول سىزگە ۇناۋى ءتيىس. سونداي-اق كەز كەلگەن فيزيكالىق بەلسەندىلىكتى باستاماس بۇرىن دارىگەرمەن كەڭەسكەن ءجون. سەبەبى كوپ جۇرۋگە دە قارسىكورسەتىلىمدەر بار.

دەرەككوز: Massaget.kz