كۇن سۋىتىپ، كۇزدىڭ ىزعارى بىلىنە باستايدى

استانا. KAZINFORM - قازگيدرومەت سينوپتيكتەرى 3-5-قىركۇيەك ارالىعىنا ارنالعان ءۇش كۇندىك اۋا رايى بولجامىن جاريالادى.

الداعى ءۇش كۇندە قازاقستاننىڭ باسىم بولىگىندە اۋا رايىنىڭ تۇراقسىز سيپاتى ساقتالادى.

نايزاعاي جارقىلداپ، جاڭبىر جاۋادى.

رەسپۋبليكانىڭ سولتۇستىگىندە، شىعىسىندا كەيبىر ۋاقىتتا قاتتى جاڭبىر جاۋىپ، 3 -قىركۇيەك تۇندە ەلدىڭ شىعىسىندا جاۋىن- شاشىن (جاڭبىر، قار) جاۋادى.

قازاقستاننىڭ باتىسى مەن وڭتۇستىگىندە سولتۇستىك- باتىس انتيسيكلونىنىڭ اسەرىنەن جاۋىن-شاشىنسىز اۋا رايى كۇتىلەدى.

رەسپۋبليكا بويىنشا جەل كۇشەيەدى دەپ بولجانىپ وتىر. تۇنگى جانە تاڭەرتەڭگى ساعاتتاردا سولتۇستىك جانە شىعىس ايماقتاردا تۇمان ءتۇسىپ، توپىراق بەتىندە 2 گرادۋسقا دەيىنگى ۇسىك بولادى.

سونداي- اق كۇندىز اۋا تەمپەراتۋراسى بىرتىندەپ تومەندەيدى: ەلدىڭ سولتۇستىك- باتىسىندا، سولتۇستىگىندە جانە ورتالىعىندا +8+15°c دەيىن، وڭتۇستىگىندە +20+28°c دەيىن تومەندەيدى.