كۇن سۋىتىپ كەلەدى: ق ر ىشكى ىستەر مينيسترلىگى ەل تۇرعىندارىنا ەسكەرتۋ جاسادى

استانا. KAZINFORM - ق ر ىشكى ىستەر مينيتسرلىگى ازاماتتاردى ءورت قاۋىپسىزدىگى ەرەجەلەرىن ساقتاۋعا شاقىرادى، - دەپ حابارلايدى Polisia.kz.

- اۋا-رايىنىڭ سۋىتۋى تەحنوگەندىك ورتتەردىڭ كوبەيۋىنە اكەلۋى مۇمكىن. وسىعان بايلانىستى ءبىز جوعارى قۋاتتى ەلەكتر قۇرىلعىلارىن ءبىر ۋاقىتتا قوسۋ ارقىلى پەشتەردى قىزدىرماۋعا جانە ەلەكتر جەلىلەرىن شامادان تىس جۇكتەمەۋگە كەڭەس بەرەمىز. اۆتوكولىك يەلەرىنە اشىق وتتىڭ كومەگىمەن اۆتوموبيلدەردى جىلىتۋ قاۋىپتى ەكەنىن ەسكە سالامىز. ءى ءى م ەلىمىزدىڭ بارلىق تۇرعىندارىنا ۇيدە وقىس جاعدايلاردى بولدىرماۋ ءۇشىن ءورت قاۋىپسىزدىگى ەرەجەلەرىن قاتاڭ ساقتاۋعا شاقىرادى»، - دەلىنگەن مينيسترلىكتىڭ حابارلاماسىندا.

وسى رەتتە مينيسترلىك وكىلدەرى ەسكەرتەدى:

- مۇرجالاردى ۋاقتىلى تازالاپ، پەشتەردى جوندەۋ قاجەت؛

- اقاۋى بار جىلىتۋ قۇرىلعىلارى مەن گاز جابدىقتارىن پايدالانباڭىزدار؛

- بالالاردى ەرەسەكتەردىڭ قاراۋىنسىز جالعىز قالدىرماڭىزدار.

ءورت قاۋىپسىزدىگى ەرەجەلەرىن قاتاڭ ساقتاڭىزدار!.

«بارلىق وقيعالار تۋرالى 101 نەمەسە 102 تەلەفوندارىنا حابارلاسۋلارىڭىزدى سۇرايمىز»، - دەدى ءى ءى م اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.

كەشە ەكى وبلىستا ءورت بولىپ، مال ىزدەۋگە شىققان ەر ادام جوعالىپ كەتكەنى تۋرالى جازدىق.