كۇن رايىنىڭ بۇزىلۋى: ەلىمىزدىڭ 9 وبلىسىندا ەسكەرتۋ جاريالاندى

استانا. KAZINFORM - كۇن رايىنىڭ قولايسىزدىعىنا بايلانىستى قازگيدرومەت ەلىمىزدىڭ 9 وبلىسىندا ەسكەرتۋ جاريالادى.

21-قازاندا جەتىسۋ وبلىسىندا سولتۇستىك- شىعىستان جەل سوعادى، الاكول اۋدانىندا ەكپىنى 15-20، كۇندىز كەي ۋاقىتتاردا 23-28 م/س بولادى. وبلىستىڭ باتىسىندا، ورتالىعىندا 3 گرادۋس ۇسىك جۇرەدى.

تالدىقورعان قالاسىندا تۇندە 1-3 گرادۋس ۇسىك كۇتىلەدى.

21-قازاندا تۇندە جانە تاڭەرتەڭ قوستاناي وبلىسىنىڭ سولتۇستىگىندە، شىعىسىندا تۇمان كۇتىلەدى.

قوستاناي قالاسىندا 21-قازاندا تۇندە جانە تاڭەرتەڭ تۇمان كۇتىلەدى.

21-قازاندا تۇندە قىزىلوردا وبلىسىنىڭ سولتۇستىگىندە، وڭتۇستىگىندە، ورتالىعىندا نايزاعاي وينايدى. جەل باتىستان، وڭتۇستىك- باتىستان سوعادى، كۇندىز وبلىستىڭ سولتۇستىگىندە، وڭتۇستىگىندە، ورتالىعىندا كۇشى 15-20 م/س-عا جەتەدى.

قىزىلوردا قالاسىندا تۇندە نايزاعاي كۇتىلەدى.

21-قازاندا تاڭەرتەڭ جانە كۇندىز تۇركىستان وبلىسىنىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا نايزاعاي وينايدى. وڭتۇستىك- باتىستان سولتۇستىك- باتىسقا اۋىساتىن جەل سوعادى، تاڭەرتەڭ جانە كۇندىز وبلىستىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا كۇشى 15-20 م/س بولادى.

شىمكەنت قالاسىندا كۇننىڭ ەكىنشى جارتىسىندا نايزاعاي كۇتىلەدى. وڭتۇستىك- باتىستان سولتۇستىك- باتىسقا اۋىساتىن جەل سوعادى، كۇندىز ەكپىنى 15- 20 م/س بولادى.

تۇركىستان قالاسىندا كۇندىز نايزاعاي كۇتىلەدى. وڭتۇستىك- باتىستان سولتۇستىك- باتىسقا اۋىساتىن جەل سوعادى، كۇندىز ەكپىنى 15-20 م/س-عا جەتەدى.

21-قازاندا تۇندە اتىراۋ وبلىسىنىڭ شىعىسىندا كەي ۋاقىتتا قاتتى جاڭبىر بولادى. وبلىستىڭ سولتۇستىگىندە، وڭتۇستىگىندە تۇمان كۇتىلەدى.

اتىراۋ قالاسىندا 21-قازان كۇنى تۇندە جانە تاڭەرتەڭ تۇمان كۇتىلەدى.

21-قازاندا ۇلىتاۋ وبلىسىندا وڭتۇستىك- شىعىستان سوعاتىن جەل وڭتۇستىك- باتىسقا اۋىسادى، كۇندىز وبلىستىڭ باتىسىندا، وڭتۇستىگىندە ەكپىنى 15-20 م/س بولادى.

21-قازاندا تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە، باتىسىندا تۇمان كۇتىلەدى.

21-قازاندا تۇندە اقتوبە وبلىسىنىڭ باتىسىندا، ورتالىعىندا نوسەر جاڭبىر جاۋادى.

21-قازاندا كۇندىز جامبىل وبلىسىنىڭ باتىسىندا، سولتۇستىگىندە، وڭتۇستىگىندە، تاۋلى اۋداندارىندا نايزاعاي وينايدى.

21-22-قازاندا تۇندە جانە تاڭەرتەڭ وبلىستىڭ باتىسىندا، شىعىسىندا، تاۋلى اۋداندارىندا تۇمان كۇتىلەدى. وڭتۇستىك- باتىستان سوعاتىن جەل سولتۇستىك- شىعىس جەلىنە اۋىسادى، 21 قازاندا وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا 15-20، كۇندىز ەكپىنى 23 م/س بولادى. 22-قازاندا وبلىستىڭ تاۋلى اۋداندارىندا 15-20، ەكپىنى 23 م/س بولادى.

تاراز قالاسىندا 21-22-قازاندا تۇندە جانە تاڭەرتەڭ تۇمان كۇتىلەدى.

22-قازاندا كۇندىز نايزاعاي جارقىلدايدى.