كۇن رايىنا بايلانىستى بىرنەشە وبلىستىڭ وقۋشىلارى ساباقتى ونلاين وقيدى

استانا. KAZINFORM - اۋا رايىنىڭ قولايسىزدىعىنا بايلانىستى 9-اقپان كۇنى اقتوبە، قاراعاندى، پاۆلودار وبلىستارىنىڭ وقۋشىلارى ساباقتى قاشىقتان وقيدى.

اقتوبەدە اۋا رايىنا بايلانىستى وقۋشىلار تاعى دا ساباقتى ونلاين وقيتىن بولدى.

اقتوبە وبلىستىق ءبىلىم باسقارماسى باسشىنىڭ ورىنباسارى دينا جامانبايەۆانىڭ ايتۋىنشا، اۋا رايىنا بايلانىستى وقۋشىلار مەن كوللەدج ءبىلىم الۋشىلارى ەرتەڭ قاشىقتان وقيدى.

اقتوبەلىك بالالار سارسەنبى، بەيسەنبى كۇندەرى دە ونلاين ءبىلىم الدى. سونىمەن بىرگە قاۋىپسىزدىك ءۇشىن كوللەدجدىڭ ستۋدەنتتەرى دە ۇيدە وتىرىپ، مۇعالىممەن بايلانىسقا شىقتى. ايتا كەتەيىك، وبلىس بويىنشا 400 دەن استام ءبىلىم ورداسى بار. وندا 180 مىڭنان استام بالا ءبىلىم الادى.

ەسكە سالساق، اقتوبەدەگى بوران سارسەنبى كۇنى باستالدى. ەكى تاۋلىك ىشىندە جۇزدەگەن ادام ەۆاكۋاتسيالانىپ، قۇتقارىلدى.

قاراعاندى قالاسىنىڭ ءبىلىم ءبولىمى حابارلاعانداي، 9-اقپان كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىم 0-11-سىنىپ وقۋشىلارى ساباقتارىن قاشىقتان وقۋعا كوشىرىلەدى.

پاۆلودار وبلىسى اۋماعىندا دا بوران ءارى قاتتى جەل كۇتىلۋىنە بايلانىستى، وقۋشىلار ونلاين وقيدى.

ايماقتىق ءبىلىم بەرۋ باسقارماسى باسپا ءسوز قىزمەتىنىڭ مالىمەتىنشە، 9-اقپان كۇنى اۋا رايىنىڭ قولايسىزدىعىنا بايلانىستى ءبىرىنشى جانە ەكىنشى اۋىسىمنىڭ 0-11-سىنىپ وقۋشىلارى جانە 9-سىنىپتان كەيىن تۇسكەن 1-2-كۋرس كوللەدج ستۋدەنتتەرى قاشىقتان وقىتۋ فورماتىنا اۋىستىرىلادى.