كۇن بۇزىلىپ، ءتورت وڭىردە 5 جول جابىلدى
استانا. KAZINFORM - قازاۆتوجول كۇننىڭ بۇزۋىلۋىنا بايلانىستى 9-ناۋرىز تۇنگى 22:00 دەيىن قازاقستاننىڭ بىرنەشە وڭىرىندە جول جابىلعانىن حابارلادى.
اتاپ ايتقاندا 4 وبلىستا رەسپۋبليكالىق ماڭىزى بار 5 اۆتوجولدا كولىك قوزعالىسىنا شەكتەۋ قويىلعان.
شىعىس قازاقستان وبلىسىندا - جالپى ۇزىندىعى 160 ك م ءبىر اۆتوجول
«وسكەمەن- التاي- ۇلكەن نارىن- قاتونقاراعاي- راحمان قاينارى»، بەرەل اۋىلى - راحمان قاينارى (اۆتوكولىكتىڭ بارلىق تۇرىنە)
قاراعاندى وبلىسىندا - جالپى ۇزىندىعى 118 ك م ءبىر اۆتوجول
«قىزىلوردا- پاۆلودار» - ۇلىتاۋ وبلىسى شەكاراسىنان توپار اۋىلىنا دەيىن
(اۆتوكولىكتىڭ بارلىق تۇرلەرى ءۇشىن)
قوستاناي وبلىسىندا - جالپى ۇزىندىعى 83 شاقىرىم ءبىر اۆتوجول
«جەزقازعان- پەتروپاۆل» - ۇلىتاۋ وبلىسى شەكاراسىنان ارقالىق قالاسىنا دەيىن (كولىكتىڭ بارلىق تۇرىنە)
ۇلىتاۋ وبلىسىندا - جالپى ۇزىندىعى 543 شاقىرىمدى قۇرايتىن 2 اۆتوجول
«جەزقازعان- پەتروپاۆل» - ۇلىتاۋ كەنتىنەن قوستاناي وبلىسى شەكاراسىنا دەيىن (بارلىق كولىك تۇرىنە)
«قىزىلوردا- پاۆلودار» - جەزقازعان قالاسى - قاراعاندى وبلىسى شەكاراسى.
اعىمداعى ساعاتتا رەسپۋبليكالىق ماڭىزى بار اۆتوجولداردىڭ قىسقى كۇتىمىنە 350 تەحنيكا جانە 395 جولشى جۇمىلدىرىلعان.
