كۇماندى اقشا اۋدارىمدارىن 22-شىلدەدەن باستاپ بۇعاتتاي باستايدى - ۇلتتىق بانك

استانا. KAZINFORM - ق ر ۇلتتىق بانكى انتيفرود-ورتالىعى ىسكە قوسىلاتىنىن حابارلادى. انتيفرود-ورتالىعى دەگەنىمىز نە؟ قاشان ىسكە قوسىلادى؟

بۇل قارجى ۇيىمدارى، قۇقىق قورعاۋ ورگاندارى، سونداي-اق ۇيالى بايلانىس وپەراتورلارى قوسىلاتىن تەحنولوگيالىق پلاتفورما.

ول الاياقتىق بەلگىلەرى بار ترانزاكسيالارعا جەدەل ارەكەت ەتۋ ماقساتىندا جاساقتالىپ وتىر.

الاياقتاردىڭ شوتتارىنداعى اۋدارىمدار بۇعاتتالىپ، ءۇش كۇن ىشىندە قايتارىلادى. وسىنداي تالاپ قويىپ وتىرعان ۇلتتىق بانك نورماتيۆتىك قۇقىقتىق اكتىلەردە قارجىلىق ۇيىمداردىڭ الاياقتىق بەلگىلەرى بار وپەراتسيالار بويىنشا دەرەكتەر الماسۋ ورتالىعىمەن ءوزارا ءىس-قيمىلىنا قويىلاتىن تالاپتاردىڭ جوبالارىن جاريالادى.

ۇيىمدار الاياقتىققا قارسى ورتالىقتىڭ دەرەكقورلارىمەن ءاربىر تولەم ترانزاكسياسىن تەكسەرۋگە جانە ەگەر الۋشى تولەمنىڭ كۇدىكتى بەنەفيتسيارى بولسا، اقشا اۋدارۋدى توقتاتۋعا مىندەتتى.

ەگەر كليەنت قارجى ينستيتۋتىن ەسكەرتكەننەن كەيىن اقشانى جىبەرۋدى تالاپ ەتسە، تولەم قايتا باستالادى. قارجى ينستيتۋتتارى دا الاياقتىق بەلگىلەرى بار كليەنتتەردەن ترانزاكسيالار تۋرالى ءۇزىندى كوشىرمەلەردى قابىلداۋعا جانە ولاردى الاياقتىققا قارسى ورتالىققا بەرۋگە مىندەتتى.

«تولەم بەنەفيتسيارىنىڭ بانكتىك شوتى نەمەسە ەلەكتروندىق ءاميانى «اقشانى الۋ سەبەپتەرىن انىقتاۋ» ءۇشىن دەرەۋ بۇعاتتالۋى كەرەك. سودان كەيىن ءۇش جۇمىس كۇنى ىشىندە قارجى ينستيتۋتى كۇدىكتى شوتتان بلوكتى الىپ تاستاۋى نەمەسە الاياقتىققا قارسى ورتالىق پەن قىلمىستىق قۋدالاۋ ورگاندارىنا الاياقتىق ارەكەتى تۋرالى حابارلاما جىبەرۋى كەرەك. وسىدان كەيىن جىبەرۋشى ءۇش جۇمىس كۇنى ىشىندە اۋدارىمىن نەمەسە تولەمىن قايتارىپ الۋى كەرەك»، - دەپ حابارلادى ۇلتتىن بانكتىڭ باسپا ءسوز قىزمەتى.

الاياقتىق بەلگىلەرى بار ترانزاكتسيالاردى بۇعاتتاۋ 22-شىلدەدەن باستاپ جۇزەگە اسپاقشى.

اۆتور
باقىتگۇل اباي قىزى